Белгиската полиција пропуштила 13 шанси пред масакрот од ланскиот 13-ти ноември во француската престолнина Париз во кој беа убиени 130 луѓе да ги открие сторителите, покажува тајниот извештај кој во саботата го објави фламанскиот дневен весник DeTijd.
 

Белгиската полиција пропуштила 13 шанси пред масакрот од ланскиот 13-ти ноември во француската престолнина Париз во кој беа убиени 130 луѓе да ги открие сторителите, покажува тајниот извештај кој во саботата го објави фламанскиот дневен весник DeTijd.

Од февруари 2015 година белгиската полиција ги следела телефонските разговори на лицата обвинети за тероризам со Салах Абделсам, единствениот сé уште живи терористи кои учествуваа во парискиот масакр, според извештајот.

Од тие 13 припуштени можности, шест се резултат на недоволниот персонал. Белгиската полиција, исто таа, ги игнорирала барањата на шпанските власти за постариот брат на Салах Абделсам, Брахим Абдеслам, по неговото патување во Шпанија во март 2015 година. Осум месеци подоцна Брахим Абдеслам се разнесе во Париз во текот на изведувањето на синхронизираните напади на 13-ти ноември на неколку локации во француската полиција. Белгискиот одговор следел дури по атентатот.

И информациите за бомбашот самоубиец Билал Хадфи не се искористени во текот на шест месеци поради недостиг од персонал. Државното обвинителство долго ги чувало тајните информации за нападите во западна Европа под подство на Абделхамид Абаауд.

Овој извештај на „Комитетот П“’, полиција над полицајците, ги наведува пропустите во истрагата водена во Белгија за сторителите на париските атентати и треба да биде предадено на специјалната комисија на белгискиот парламент.

И кон крајот на март годинава белгискиот министер за внатрешни работи Јохан Јан Јамбон за терористичките напади во Брисел вината ја префрли врз полициската небрежност како причина што не било влезен во трага на милитантот на Исламската држава, Ибрахим Бакрави, кого минатата година го протерала Турција. Јамбон понуди оставката поради овој случај, тврдејќи дека тој ја презема целата политичка одговорност.

Белгиските власти тогаш се соочија со непријатности откако Турција во средата објави дека го претерала Ибрахим Ел Бакрави назад во Европа минатиот јули, предупредувајќи дека е милитант. Ибрахим Ел Бакрави е еден од бомбашите кои се разнесоа во нападите во вторникот, разнесувајќи се на бриселскиот меѓународен аеродром Завентем.

Белгиските и холандските власти во 2015 година биле известени за сомневањата на турските служби дека тој е странски џихадистички борец кој настојува да ѝ се приклучи на Исламската држава во Сирија. Во тоа време белгиските власти одговориле дека Бакрави, кој во 2010 година бил осуден на девет години затвор поради тоа што пукал на полицаец по грабеж, е криминалец, но не и милитнат, и од Турција побарале повеќе информации.

Бакрави бил условно пуштен од затвор во 2014 година, меѓутоа успеал да побегне од Белгија.

Јамбон изјави дека Бакрави е фатен во Турција крај сириската граница на 11-ти јуни 2015 година. Турција тогаш ја известила белгиската амбасада дека ќе биде ставен во авион за Амстердам, на 14-ти јули 2015 година, каде што не бил уапсен бидејќи холандската полицијата не добила никакви упатства од своите белгиски колеги.

Белгискиот офицер за врски во амбасадата во Анкара само ѝ рекол на полицијата во Белгија шест дена подоцна, ланскиот 20-ти јул, дека Бакрави бил притворен во Турција под сомневање за тероризам. Овој офицер за врски побарал од турските власти дополнителни информации, а за тоа својата земја ја известил дури шест месеци подоцна, на 11-ти јануари годинава./крај/мф/сн

Извор: Макфакс