Европа
Оланд ги обвини САД за злоупотреба на моќта при високите казни за европските компании
Францускиот претседател Франсоа Оланд ги обвини во средата САД дека ја злоупотребуваат својата моќ, така што на европските компании им наплаќаат високи казни и така дополнително го разгоруваат спорот околу трансатлантскиот трговски договор познат како TTIP.
Казните, од кои најновата е онаа од 14 милијарди долари за германската „Deutsche Bank’ поради продажба на ткн токсични хартии од вредност на хипотекарни кредити во САД, вели францускиот претседател Франсоа Оланд, зошто не може да го поддржи договорот за слободна трговија меѓу САД и ЕУ.
„Кога Европската комисија ќе тргне против Google и другите интернет гиганти кои не плаќаат данок во Европа, Америка се навредува“, забележува Оланд во интервјуто за списанието L’Obs, шест месеци пред претседателските избори во Франција.
„Уште повеќе, бесрамно бараат осум милијарди од BNP или уште пет милијарди од Deutsche Bank“, додава францускиот челник.
Во 2014 година BNP е казнета поради кршењето на американските санкции против Иран и Судан, што предизвика огорченост во Франција каде што таквите активности на оваа француска банка не биле незаконски.
Одлуката на ЕУ од август годинава Apple да плати 13 милијарди евра неплатени даноци во Ирска, од друга страна, пак, го предизвика гневот на САД каде што извршниот директот на компанијата Тим Кук оцени дека станува збор за „политички глупости“./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Масовен хакерски напад врз руски државни медиуми; Украинците: Ние го изведовме
Извор од украинската влада соопшти дека украинските хакери се одговорни за големиот сајбер напад врз руската државна медиумска компанија ВГТРК што се случи денеска, што се совпадна со 72-от роденден на рускиот претседател Владимир Путин.
Портпаролот на Кремљ, Дмитриј Песков, претходно потврди дека ВГТРК била цел на сајбер напад без преседан, додавајќи дека експертите работат напорно за да откријат кој е одговорен и дека ВГТРК работи на надминување на последиците од нападот.
ВГТРК, која ги поседува и управува со главните национални ТВ канали и голем број регионални канали и радио станици, претходно во понеделникот објави дека нејзините интернет-сервиси станале цел на сајбер напад преку ноќ, но дека и покрај тоа, емитувањето на радиото и ТВ преносите функционирале.
„Нашиот државен медиумски холдинг, еден од најголемите, се соочи со невиден хакерски напад врз неговата дигитална инфраструктура. Експертите се обидуваат да ги утврдат сите околности со цел да разберат каде водат трагите што ги оставиле сторителите на овој хакерски напад“, рече тој.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.