Европа
Осум осомничени за смртта на 71 имигрант во камион во Австрија
Унгарската полиција објави во средата дека ја завршила истрагата за смртта на 71 имигрант чиишто тела беа откриени во камион ладилник во Австрија во август 2015 година, а за осумте осомничени започнува процес.
Унгарската полиција објави во средата дека ја завршила истрагата за смртта на 71 имигрант чиишто тела беа откриени во камион ладилник во Австрија во август 2015 година, а за осумте осомничени започнува процес.
„Ги завршивме испитувањата, полицијата ќе му препорача на државното обвинителство подигнување обвинение против осум осомничени кои сите се во затвор“, изјави шефот на Државното биро за илегални имиграции Золтан Борош на прес-конференција во Будимпешта.
На 27-ми август 2015 година австриската полиција откри повеќе десетици тел на мажи , жени и деца кои се задушиле во затворениот дел од камионот ладилник оставен на автопатот во Парндорф, во близина на границата со Унгарија. Си истрагата беше утврдено дека станува збор за имигранти кои бегале од судирите во Сирија, Ирак и Авганистан. Биле преземени од криумчари во Унгарија, недалеку од границата со Србија.
Предметот есенва беше префрлен во Унгарија, а обдукциите потврдија дека сите умреле додека камионот уште се наоѓал на унгарската територија. Пет мажи, еден Авганистанец за кој се смета дека е шеф на мрежата и четворица државјани на Бугарија, меѓу кои и возачот на камионот, се уапсени во Унгарија кусо откако беше најден камионот.
Уште тројца Бугари се приведени задржани во затвор. Со истрагата е утврдено дека криумчарите со луѓе знаеле дека патниците умреле кога камионот биле донесен во Австрија, прецизира Борош.
Откривањето на камионот претставуваше шок за цела Европа и поттикна моментално затворање на границите за стотиците илјади имигранти. Телата на жртвите, 59 мажи, 8 жени и 4 деца, од кои едно бебе, сите освен едно можеле да се идентификуваат Повеќето тела се вратени на семејствата, а другите се закопани во австриската престолнина Виена.
Унгарските власти велат дека мрежата вмешана во оваа трагедија тоа го работи професионално и оти користи до 15 возила. Организираната криминална група остварила големи заработки со упатувања во периодот од февруари до август 2015 година на најмалку 1.106 лица од кои барала меѓу 1.000 и 1.500 евра за пренесување во Австрија, Тие пари потоа се испратени во Авганистан.
Авганистанецот сметан за шеф на мрежата влегол во Унгарија во 2013 година и имал статус на заштитено лице што е близок на статусот на бегалец. Му помагале сонародници кои се населиле во Србија, кои му ги испраќале имигрантите.
Австриската полиција открила пред една година дека мрежата не го променила начинот на дејствување и по трагедијата. Истиот ден кога е пронајден камионот, група од 81 имигрант кои ги превезувале на идентичен начин, ја избегнала смртта со кршење на врата од камионот ладилник во кој биле затворени.
Роберто Крепинко, шеф на единицата за борба против трговијата со имигранти во Европол, изјави дека камионот мртовечница го одразува трагично немилосрдното заработување на криминалните организации, без оглед на опасноста по животите на имигрантите,/крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.