Европа
Качински нема да го поддржи Туск за нов мандат
Челникот на полската владејачката конзервативна партија Правда и справедливост (PiS), Јарослав Качински, изјави дека полската влада веројатно нема да го поддржи својот огорчен непријател Доналд Тукс за втор мандат на чело на Европскиот совет, и додаде дека нема намера да се кандидира за премиер на Полска.
Двајцата политичари одамна се на спротивставените страни, а Јарослав Качински го обвинува Доналд Туска, кој во 2010 година беше премиер, барем за морално одговорен за уривањето на авионот крај Смоленск во Русија во кој загина неговиот брат близнак Лех Качински.
Партијата PiS, исто така, смета дека во несреќата во којашто загинаа 96 луѓе најголем број високи државни функционери и видни личности кои одеа да одадат почит на илјадниците полски офицери во Катинската шума убиени до советската армија во Втората светска војна, авионот бил соборен, затоа што ниту полските ниту руските иследници не најдоа докази. то .
„Не можам да замислам владата да го поддржи Доналд Туск за втор мандат на чело на Европскиот совет“, вели Качински во интервјуто за весникот Polska The Times.
Иако не е во составот на владата, Качински како челник на владејачката PiS се смета за личноста којашто всушност одлучува во владата на премиерката Беата Шидло.
Туск, на кој мандатот на челната во Европската унија му истекува во мај 2017 година, брзо на Twitter му одговори на Качински со предлогот да се соочат јавно за обвинувањата коишто ги изнесува за него и за темата на Европа и Полска.
Премеирката Беата Шидло, исто така, на прес-конференција изјави дека „може да замисли“ дека владата не го поддржува Туск за втор мандат.
Туск е претседател на Европската совет во кој се челниците на 28-те земји членки на ЕУ од декември 2014 година, а тој 30-месечен мандат може да биде продолжен, така што на таа должност може да биде вкупно пет години.
Дневниот весник Gazeta Polska, пак, пренесува дека Јарослав Качински тврди дека не планира да стане премиер, со што ги отфрли шпекулациите дека може да влезе во владата кои се појавија во полската јавност, откако премиерката Шидло во септември го смени министерот за финансии.
„Опцијата на промена на премиерот не е сериозна, бидејќи јас би бил единствениот кандидат, а јас немам такви планови“, рекол Качински./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Туристи заглавија во Финска поради екстремно ниските температури
Илјадници туристи останаа заробени во северна Финска откако екстремно ниските температури ги приземјија авионите и принудно откажаа летови.
Температурите на аеродромот Китила во Лапонија паднаа на рекордно ниско ниво од -37°C во недела наутро, предизвикувајќи прекини во воздушниот сообраќај, објави Скај њуз.
Арктичкиот студ го погодува аеродромот со денови, што ги прави операциите на аеродромот, вклучително и клучното одмрзнување на авионите, речиси невозможни. Сепак, постои надеж за блокираните британски туристи, со летови до Манчестер и Лондон закажани за понеделник попладне. Успехот на тие летови останува неизвесен бидејќи метеоролозите предвидуваат дека температурите сепак ќе бидат околу -28°C.
Иако жителите на финска Лапонија се навикнати на сурови зими, овогодинешниот студен бран, кој погоди големи области на северна, централна и источна Европа, беше поинтензивен отколку во претходните години. Обилните снежни врнежи, силните ветрови и заледените патишта го направија патувањето опасно низ овој дел од континентот.
Во Германија, патниците со железнички превоз доживеаја големи доцнења и откажувања во неделата откако националниот оператор „Дојче Бан“ ги запре сите услуги на северот од земјата. Властите во Северна Рајна-Вестфалија, најнаселената покраина во Германија, објавија дека сите училишта ќе бидат затворени во понеделник поради ниските температури, а наставата ќе се одржува преку интернет.
Во балтичките земји Естонија и Литванија, возачите беа повикани да ги одложат сите непотребни патувања поради прогнозираните снежни бури. Соседна Латвија, исто така, издаде предупредување за снег за западниот дел од земјата.
Европа
Лавините на француските Алпи убија тројца скијачи
Тројца скијачи загинаа вчера во одделни лавини на француските Алпи, само еден ден откако три други лица загинаа во слични несреќи, објавија локалните медиуми.
Во Ла Плањ, британски државјанин, на возраст од околу 50 години, беше затрупан од снег, објави скијачкиот центар. Француските медиуми објавија дека 52 спасувачи, кучиња-трагачи и хеликоптер биле вклучени во потрагата и дека им биле потребни 50 минути за да пронајдат маж под 2,5 метри снег, но не можеле да го спасат.
Во блискиот Куршевел, лавина затрупала уште едно лице кое било пронајдено мртво во доцните утрински часови, според извештаите.
Регионалниот дневен весник „Le Dauphiné libéré“, исто така, објави за неколку повредени скијачи и сноубордери.
Според извештаите на медиумите кои се повикуваат на планинската полиција, 32-годишен маж загинал во лавина во Валорцин, во близина на швајцарската граница. Тој скијал надвор од стазата кога лавина го исфрлила во дрво, а подоцна им подлегнал на повредите.
Властите повикаа на претпазливост
Еден ден претходно, уште три лица загинаа во истиот регион.
Во неделата беа пријавени неколку лавини низ Савој, што ги натера локалните власти да ги повикаат жителите и туристите да бидат „екстремно внимателни“ и да не излегуваат надвор од назначените скијачки патеки.
Европа
Британски скијач загина во лавина на француските Алпи
Британски скијач загина вчера во лавина во Француските Алпи. Несреќата се случила додека мажот, за кој се верува дека е во педесеттите години, скијал надвор од пистата во популарното одморалиште Ла Плањ, објави Скај њуз.
Обемна операција за спасување
Спасувачките екипи беа повикани на лавината попладнето во 13:57 часот и веднаш се упатија кон местото на настанот во југоисточна Франција. Голем тим од 52 лица, вклучувајќи медицински персонал и инструктори за скијање, беше вклучен во потрагата, а со хеликоптер беше донесено и куче трагач.
И покрај брзата реакција, Англичанецот беше пронајден дури по 50 минути пребарување, закопан под 2,5 метри снег.
Скијал без потребната опрема
Според соопштението од одморалиштето, човекот што починал бил во друштво на група, но не бил опремен со примопредавател за лавина ниту бил придружуван од професионален инструктор. Скијачкиот центар Ла Плањ изрази сочувство до семејството на починатиот.

