Македонија
Уставен суд ќе одржи седница, но не за СЈО и за партиските иницијативи
– Уставниот суд закажа седница за в понеделник, а на дневен ред не е ниту Иницијативата за утврдување на уставноста за Специјалното јавно обвинителство (СЈО), ниту Иницијативата на партијата Унитети за оценување на законитоста и уставноста на решението за распишување на предвремените избори, како ни Иницијативата на Народното движење за Македонија, со која се проблематизира тоа што парламентот не се распуштил на точно 60 дена пред датумот, туку на 55 дена.
На седницата закажана за в понеделник, според известувањето од Уставниот суд, објавено на интернет страницата на судот ќе се разгледуваат седум иницијативи поврзани со Правилник за спроведување на постапката за вработување, со стечајни и управни постапки, како и едно барање за заштита на права и еден предлог за одлучување.Од Уставниот суд за Макфакс велат дека Иницијативите на двете партии во однос на изборите се пристигнати кај нив и во моментот се оформуваат случаи согалсно Деловникот за работа, се бара мислење и се работи на нив, но кога и на која седница ќе се најдат на дневен ред не можат да кажат. „Тоа што изборите се закажани и се знае датумот на нивно одржување, за нас нема никакво значење за работата на судот. Нема никакви најави дека поажруно или побрзо би се ставиле на дневен ред овие точки, само затоа што изборите се закажани“, додаваат од судот.Вообичаено, седниците на Уставен се оддржуваат во среда, но овојпат е закажана за понеделник, 31-ви октомври, до кога трае мандатот на актуелната претседателка Елена Гошева, а веќе од 1-ви неомври на нејзино место доаѓа новоизбраниот претседател Никола Ивановски.Според иницијативите се проблематизира легитимноста на партиски договорените и веќе закажани предвремени парламентарни избори кои треба да се одржат на 11-ти декември и нивна цел е да се извлече Македонија од долгогодишната политичка криза во која се наоѓа. Договорот од Пржино, неговите анекси, и сé што следеше потоа, беа договори меѓу лидерите на најголемите македонски партии од власта и опозицијата од македонскиот и од албанскиот блок, ВМРО-ДПМНЕ, СДСМ, ДУИ и ДПА, што резултираше со конечна лидерска средба на крајот од август годинава, на која сите лидери заклучија дека се обезбедиле фер, кредибилни и демократски услови за одржување на избори.Тоа подразбираше прифаќање наставот дека е прочистен Избирачкиот список, дека е либеарлизиран медиумскиот простор, дека е овозможена непречена работа на Специјалното јавно обвинителство надлежно за случаите кои произлегуваат од нелегално прислушуваните телефонски разговори на голем број граѓани, а за обезбедување легитимност, дури беше договорено и луѓе од опозицијата да ги заземат местата на министри и заменици-министри во Владата.Сепак, со иницијативата се оспорува Решението за предвремени парламентарни избори, „бидејќи без балансирање на изборните единици се крши Член 22 од Уставот на Република Македонија кој гарантира еднаквост на избирачкото право, како и Член 51 од Уставот“.Имено, според последните расположливи податоци, во изборната единица 6 има 0,28 отсто повеќе запишани гласачи, односно 5,28, но законски е дозволена отстапка до 5 отсто. За изедначување на изборните единици по број на гласачи, на последната собраниска седница, зборуваше и Имер Алиу од ДПА, кој предложи да се расправа за тоа, но таа точка на дневен ред не беше прифатена.Иницијативата на Народното движење за Македонија, го проблематизира тоа што парламентот не се распуштил на точно 60 дена пред датумот, туку на 55 дена пред изборите, а согласно законот, Собранието треба најрано да се распушти на 12-ти октомври односно 60 дена пред избори или најдоцна до 27 октомври, 45 дена до изборите за тие да се одржат на закажаниот датум 11-ти декември./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.