Македонија
Обвинителите на Зврлевски и пишаа на Јанева дека е срамно непрофесионална
Обвинителите од Основното јавно обвинителство Скопје со кое што раководи обвинителот Марко Зврлевски се незадоволни од постапувањето на Специјалната јавна обвинителка Катица Јанева и во писмо упатено до неа пишуваат дека е срамно непрофесионална и прави штета на јавно обвинителската професија.
Обвинителите и досега биле незадоволни од работата на Јанева но не реагирале бидејќи сметале дека во државата има институции пред кои Јанева треба да понесе одговорност.Кулминацијата на незадоволството се случила со последното појавување на Јанева во јавноста и и пишале писмо за да ги појаснат, како што велат, дезинформациите кои ги изнела Јанева во јавноста.Обвинителите велат дека Јанева лаже, дека во предметите кои им ги предало скопското обвинителството не било ништо сработено. „Јавното обвинителство согласно законот Ви предаде 35 оформени предмети кои беа работени од страна на 23 различни јавни обвинители. Дел од нив беа јавните обвинители кои сега работат кај Вас. Во секој од предметите беа преземени дејствија, издадени наредби, сослушани сведоци, оштетени, осомничени.. прибавени податоци и документација. Дел од предметите дури беа и пред правна одлука. И ние, ги работевме и сето тоа го презедовме, иако кај нас не беа доставени снимките кои Вие еве веќе една година ги имате, а сработивте само неколку. Основното јавно обвинителство Скопје предавајќи Ви ги предметите, објави и соопштение на ден 19 ноември 2015 година во кое детално ја извести јавноста за активностите преземени во секој предмет“, пишуваат обвинителите.Тие ги негираат информациите на СЈО дека скопското обвинителство ништо не им предало.„Вашата изјава дека ништо не ви е предадено е контрадикторна и со изјавата на вашиот помошник, Фатиме Фетаи, која на прес конференција за еден од предметите јасно напомна дека сите докази биле веќе обезбедени од Основното јавно обвинителство“, се вели во писмото. Обвинителите ја критикуваат својата колешака дека не го почитува јавно обвинителскиот кодекс, откако еден од истражителите на Јанева беше приведен бидејќи ја фотографил куќата на поранешниот директор на Управата за безбедност и контраразузнавање, Сашо Мијалков. „Ве прашуваме, според кои стандарди и закони, Вие давате наредба на ваш истражител да следи и снима лице осомничено во ваш предмет? Дали имавте за тоа судска наредба за Посебна Истражна Мерка? Дали Вие и вашите „ повисоки стандарди” всушност во правниот промет вметнуваат и правна несигурност. Би сакале да знаеме, бидејќи за нас е незамисливо да се следи и снима објект или лице кое е осомничено од страна на било кој без постоење на изричита судска наредба. Уште повеќе, дали со усна наредба од Ваша страна беше испратен и приватниот детектив кој исто така вршеше следење и снимање на осомничено лице во Ваш предмет? Цените ли дека се што од ваша страна е направено од крајно непознавање на законите и постапката, треба од денес да биде „повисок стандард” по кој сите ние ќе работиме, па ќе можеме директно да испраќаме истражители за следење, снимање, заедно со приватни детективи, кај ќе стигнеме“, прашуваат колегите на Јанева.Според нив, Јанева го намалува угледот на работењето на јавното обвинителство за да се истакне самата како професионалец. Во писмото ја критикуваат за тоа дека не направила записник од предавање на снимките, не поднела отчетност за финансиското работење на институцијата со која раководи, дозволила непотизам и на прес – конференциите ги нарушила правата на пресумпција на невиност.„Почитувана г-ѓа Јанева, на крајот Ве потсетуваме. Ваша обврска, како и наша обврска е да гониме криминал. Да го познаваме правото, оти во раце ни се човечки судбини. Да работиме според законите и правните професионални стандарди. А не да создавате клима на непочитување на законите и институциите, да водиме јавни обвинителски политички кампањи, јавно да осудуваме лица и да пресудуваме без судски процес. Ние сите, сме дел од правосудниот систем, кој меѓу другото, не спие. Само не чувствува потреба јавно да се експонира. Да ве потсетиме! Honeste vivere, alterum non laedere, suum quique tribuere !!! Чесно живеј, друг не повредувај, на секој дај му што му припаѓа“ и порачуваат обвинителите на Јанева./крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Апасиев: Ги чека пекол во Собранието, имаме шест се бориме за седум пратеници
Вечерва славиме пасокизација на СДС и факторизација на Левица, изјави првиот човек на политичката партија Левица, Димитар Апасиев.
„Во првата изборна единица имаме двајца пратеници – Апасиев и Хактан, во двојка еден фиксен, нашиот портпарол, Амар Мециновиќ, во тројка еден фиксен, се бориме за втор за ситно за 300 гласа да влезе покрај Борислав Крмов и Александар Симонов и така цел пресидум да бидеме во парламент, во четврка влегува Сашко Јанчев и во петка Јована Мојсовска – првата жена пратеник на Левица“, рече Апасиев.
Како што додаде нивната заложба успеала – кутната е црвената буржоазија на под 20 пратеници.
Друга значајна победа, како што рече Апасиев, преполовен е проектот ЗНАМ на половина од претседателските избори.
„Ова покажува дека овој изборен систем повторно не’ краде, затоа што некаде го водиме за 4.000 гласа, а имаме ист број на пратеници. Тоа ќе биде првото барање на Левица, воведување на една изборна единица“, рече Апасиев.
Се заблагодари на сите активисти кои не потклекнале на малодушноста и најави дека ќе продожат пет пати посилно од сега, оти, како што рече Апасиев, секој пратеник вреди колку 10 нивни.
„Да знаат дека ги чека пекол во собранието со нашите борбени пратеници“, рече Апасиев.
Според бројот на мандати, објавени на страната на ДИК, Левица добива шест пратеници во Собранието.
Македонија
(Видео) Мицкоски: Се им се удри од глава и на крај се избојкотираа самите себеси, време е ДУИ да одат заедно со СДСМ во опозиција
„Успеавме, успеавме. Победи Македонија, историска победа на народот“, кажа вечерва на прес-конференција, лидерот на ВМРО-ДПМНЕ, Христијан Мицкоски.
„Криминалот, корупцијата, неспособноста, тендерите, одземената држава, непотизмот и уште стотина други последици кои направија државата да страда, а народот да е резочаран. Вечерва конечно се поразени. Поразени се предавствата и поделбата. Тие стотина луѓе од ДУИ и СДСМ кои мислеа дека се господари на нашите животи, нив денеска ги боли главата, има и зошто, ќе одговараат до последниот. Секој кој направил криминал и спровел корупција, мора да има одговорност која што ќе се темели на правда и закони. Поразен е и бојкотот на ДУИ“, кажа Мицкоски.
Лидерот на ВМРО-ДПМНЕ рече дека ова на нивната победа дава посебно задоволство.
„Народот покажа дека нема да дозволи поединци да создаваат кризи и преку институции да се штитат себеси, а ДУИ покажаа дека се најмалку партија која се грижи за Македонија и станаа силно криминализирана структура. Се им се удри од глава и на крај се избојкотираа самите себеси, време е да одат заедно со СДСМ во опозиција. Народот ја одржа најважната лекција кон власта и си ја спаси државата“, додаде Мицкоски.
Тој кажа дека нема да ги повтори грешките на претходната Влада кога се однесувала самобендисано и неодговорно.
„Ние имаме намера со сите опозициски партии, кои настапија на овие избори, да разговараме и да видиме што е тоа што може да биде наша точка на поврзување. Тоа не значи дека сите тие би биле дел од идната влада“, кажа лидерот на ВМРО-ДПМНЕ.
Македонија
Јакимовски призна уште еден пораз: По 23 години се вративме на национализмот, ако си муслиман не земај ливче за претседател
Исто како во првиот круг од претседателските избори пред две недели, Стевчо Јакимовски и вечерва меѓу првите призна пораз, овој пат на парламентарните избори. Смета дека граѓаните не го препознале концептот на коалицијата „Храбро за Македонија“.
„Сакам од оваа говорница да го признам поразот на овие парламентарни избори. Очигледно граѓаните не го препознаа нашиот концепт за развој на Република Македонија и во делот на социјалната заштита, во делот на реформите за образованието. Очигледно дека на граѓаните ваков систем на образование им одговара. Очигледно на граѓаните им одговара да имаат корумпирана администрација, превработена. Очигледно на граѓаните им одговара да има граѓани кои седат дома, а примаат плата и очигледно гласаат за партизирана администрација и за уште поголемо полнење на администрацијата на товар на стопанството. Очигледно дека граѓаните на Македонија не сакаат реформи во здравството, не сакаат повисоки приходи за лекарите, не сакаат подобра опрема во здравството, не сакаат нови современи методи, го сакаат овој хаос во здравството“, рече Јакимовски.
Според него граѓаните денес се определиле за враќање на уставното име, за поништување на договорот со Бугарија, односно се определиле за реваншизам оти целата кампања се водела во насока дека немкому треба да му се одмаздиме.
И ја честиташе победата за претседател на Гордан Силјановска – Давкова. „Сакам да и ја честитам победата на госпоѓата Силјановска-Давкова, да и поскам успешен мандат. Да има мирни води во овој практично опасен океан и по пет години да бидеме задоволни од нејзиниот мандат“, рече Јакимовски.
Тој е убеден дека ВМРО – ДПМНЕ ќе има близу 60 пратеници и дека ќе има апсолутна власт во државата.
„ВМРО-ДПМНЕ очигледно дека ќе има можност и за двотретинско мнозинство заедно со коалиционите партнери во идниот парламент. Очекувам дека ќе има тешки одлуки, но моето политичко искуство вели дека многу арно не е арно. Кога некој има апсолутна власт, таа власт носи девијации и како резултат на тоа доаѓаме до ретроградни процеси за кои ние не сакаме да бидеме сведоци“, вели Јакимовски.
Револтиран е што деновиве постојано се зборуваше за криминал и корупција, но институциите не реагираа. Обвини за гласање на принципот бугарски воз и поткуп на гласачи.
„Јавно прашувам што правеше Министерството за внатрешни работи, што правеше државната безбедност, другите истражни органи. Ова е јавна тајна, што значи дека ова е срамен ден за Република Македонија, во 21 век, земја кандидат повторно да се врати на поткуп на гласачи и повторно да се вратиме на бугарски воз. Тој бугарски воз ќе ни донесе промени на Уставот и внесување Бугари во Уставот на Република Македонија. Не го положивме испитот на зрелоста“, рече Јакимовски.
Кампањите за овие избори, според Јакимовски не вратиле назад 23 години, во периодот на национализам и верски поделби пред потпишувањето на Рамковниот договор.
„Во овој 21 век, во оваа Македонија да се повикува на верска дискриминација, да се повикува кој ќе земе ливче за претседател тој не е муслиман односно ако си муслиман немој да земеш ливче за претседател сметам дека тоа е срамен ден за Република Македонија и сметам дека води кон натамошна сегрегација на македонското општество. Наместо општество за сите, кое што беше прокламирано во 2016 година, ние дојдовме во ситуација да се повикуваме на воените формации од 2001 година и да повикуваме на верска нетолеранција, на верска поделба. Срамно е да се делиме на православни, католици и така натаму што требаше да биде зад нас 20 години“, вели Јакимовски.
Тој предупреди дека ваквите состојби не може да бидат без сериозни последици врз натамошниот соживот во Македонија.
Според досега пребројаните гласови, коалицијата „Храбро за Македонија“ има 4088 гласови, односно 0,48 отсто.
Јакимовски пред две недели во првиот круг од претседателските избори, го призна поразот како кандидат за претседател.