Бејџан Иљас, во четврток, на собраниска седница на предлог на премиерот за спроведување на предвремените парламентарни избори Емил Димитриев,  беше избран за министер без ресор, откако претходно пратениците од оваа функција го разрешија Фуркан Чако.

Премиерот за спроведување на изборите Димитриев образложи дека Демократската партија на Турците во Македонија до него доставила допис со барање за замена на министерот без ресор со ново лице со образложение дека со него ќе има поефикасно функционирање на овој ресор којшто главно работел на соработката со Турција.Иљас, по професија е лекар специјалист вработен во Клиничката болница во Тетово, советник во Општина Теарце и заменик претседател на Демократската партија на Турците.„Повторно сме сведоци на небулозни политички одлуки од страна на власта. в.д. премиерот Емил Димитриев, повторно како и претходните неколку пати кога требаше да биде Собранието распуштено, се впушта во калкулантски кадровски измени. Овој пат, на дневен ред е неговиот коалиционен партнер од турската заедница. На само три дена пред распуштањето на Собранието, се врши принудна замена на министерот од турската заедница, Фуркан Чако. За добрите познавачи на позицијата на претседателот на турската партија од чии редови доаѓа и Чако, Ќенан Хасипи, јасно е дека станува збор за интервентна одлука за смена на министерот“, реагираа од Партијата за Движење на Турците во Македонија – ТХП.Сметаат дека новиот министер Бејџан Иљас, со самото тоа што се согласил да ја врши оваа функција за толку кратко време, свесно се ставил во позиција на сегашниот дополнителен заменик-министер за внатрешни работи Оливер Андов, кој на власта им служи како марионета и гласно говорник на нивната погубна политика. Според ТХП ако Чако, како експерт за надворешна политика и меѓународни односи, не бил успешен во вршењето на својата позиција, што тогаш можеме да се очекува од еден лекар во толку краток период да донесе поголем број на странски инвестиции./крај/мф/бб