Европа
Грција направи ограничена реконструкција на владата

Премиерот на Грција, Алексис Ципрас, во петок вечер изведе ограничена реконструкција на својата влада за да ги задоволи барањата на странските фактори и да го зголеми рејтингот дом, каде, според анкетите, му опаѓа поддршката по една година на власт.
Министер за финансии останува Еуклид Цакалотос, како главен преговарач во ЕУ и ММФ, а остануваат и министрите за надворешни Микос Коѕијас и за одбрана Панос Каменос.
Додека доверителите на Грција бараат да се забрза продажбата на државниот имот на приватни инвеститори, Ципрас во Владата го воведе поранешниот шеф на грчката агенција за приватизација, како секретар за земјоделство, Стергиос Пициорлас.
На мета на јавноста поради непопуларната реформа на пензискиот систем која ја изведе пролетта Јоргос Катругалос, премина од местото министер за труд на помошен министер за европски работи.
Неговото место го зазеде неговата блиска соработничка Ефи Ахциоглу, која ќе преговара со доверителите за реформи на пазарот на труд.
Од неколку нови лица во обновениот тим, левичарскиот економист Димитрис Пападимитриу е од министерството за економија наследник на Јоргос Статакис на кој му е доделено портфолиото за екологија и енергетика.
Многу критикуваниот поради приватизацијата министер Панајотис Скурлетис премина на местото министер за внатрешни работи.
Големи губитник во реконструкцијата е Никос Филис, еден од старите функционери на владејачката радикално левичарска Сириза, кој го изгуби местото на министер за образование и верски прашања откако се судри со влијателната православна црква.
Јанис Музалас, кој со месеци е на фронтот на првата линија на бегалскиот бран го подигна својот ранг и дојде на чело на Министерството за миграциска политика, со што од таа област се иззема критикуваното Министерство за внатрешни работи.
Десната рака на Ципрас, поранешниот државен министер Никос Папас доби ново Министерство за дигитална политика и медиуми, покрај тоа што грчкото правосудство минатите денови ја поништи реформата на аудиовизуелниот сектор за кој беше лично тој надлежен.
Медиумите шпекулираа за можно отворање кон социјалдемократски личности или подмладување на тимот, но изгледа преовлада потребата на Ципрас да одржи рамнотежа внатре во својата партија и баланс со својот коалициски партнер партијата на националистичката десница АНЕЛ.
Главната опозициска партија, контроверзната Нова демократија, веднаш ја исмеа реконструкцијата на владата, нарекувајќи ја „редизајн-рециклажа“.
На власт од октомври 2015 година, тимот во заминување ја изгуби популарноста затоа што мораше да спроведува политики на штедење, кои му ги наметнаа странските кредитори. СИРИЗА на неодамнешните анкети заостанува за 5 до 10 отсто зад Нова демократија./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Принцот Хари оди во Велика Британија на третата годишнина од смртта на неговата баба, кралицата Елизабета

Британскиот принц Хари ќе пристигне во Обединетото Кралство на 8 септември, на третата годишнина од смртта на неговата баба, кралицата Елизабета Втора, за да присуствува на церемонијата на доделување награди за добротворната организација. Хари живее во Калифорнија откако се повлече од кралското семејство во 2020 година. Тој ќе се врати во својата татковина за да присуствува на 20-годишнината од наградите „Велчајлд“, се вели на веб-страницата на добротворната организација.
Хари е покровител на добротворната организација веќе 17 години, а за време на настанот на 8 септември ќе се сретне со тешко болни деца и нивните семејства и ќе додели награда на „инспиративно дете“.
„Се чувствувам привилегиран што можам да присуствувам на наградите „Велчајлд“, рече Хари.
Неговото враќање во Обединетото Кралство сигурно ќе ги разгори шпекулациите за помирување со кралското семејство, пишува агенцијата Франс Прес. Хари во интервју за Би-би-си во мај изјави дека сака да се смири со својот татко, кралот Чарлс III. Истиот месец, 40-годишниот принц последен пат беше виден во својата татковина, каде што пристигна на судско рочиште.
„Мејл он Сандеј“ објави фотографии во јули од состанокот меѓу кралот и советниците на Хари, што беше протолкувано како прв чекор кон помирување. Кралицата Елизабета II почина на 8 септември 2022 година, во нејзината шкотска резиденција Балморал. Принцовите Вилијам и Хари последен пат беа видени заедно неколку дена подоцна во замокот Виндзор.
Расколот меѓу Хари и кралското семејство дополнително се влоши на почетокот на 2023 година, кога принцот ги објави своите мемоари, во кои беше особено критичен кон својот брат и принцезата Кејт.
фото: принтскрин
Европа
„Родено и убиено под руски оган“: 2-годишно девојче загина во нападот врз Киев

Во еден од најсмртоносните руски напади врз Киев во последните месеци загинаа најмалку 23 лица, вклучувајќи ја двегодишната Ангелина и нејзината мајка. Нивната приказна, објавена од KyivPost, стана симбол на трагичната реалност на војната.
Ангелина е родена во 2022 година додека градот бил под гранатирање, а нејзиниот живот бил прекинат три години подоцна, во истите околности – под руски ракети.
She was born under Russian fire.
She died under Russian fire.Angelina came into this world in 2022 — during a Russian shelling. Yesterday, Russia killed her and her mother. They were among the dead in a missile strike on Kyiv.
Another Ukrainian child who never knew peace. pic.twitter.com/idxNdCNfBq
— KyivPost (@KyivPost) August 29, 2025
Нападот се случи вчера кога, според украинските власти, Русија лансираше 598 беспилотни летала и 31 ракета кон различни делови од Украина. Иако воздушната одбрана собори 563 беспилотни летала и 26 ракети, бројот на ракети беше превисок, а Киев беше меѓу најтешко погодените градови. Тоа беше втор најголем руски напад врз Киев од почетокот на војната.
This teddy bear belonged to little Angelina. It’s in the picture above. pic.twitter.com/P2HD369NT5
— Victoria (@victoriaslog) August 29, 2025
Руското Министерство за одбрана тврдеше дека целите биле воени и индустриски цели, но биле погодени станбени области, уништени згради и изгубени цивилни животи. Меѓу нив, Ангелина – девојче кое, како што истакнаа украинските медиуми, „се родило под руски оган и починало под руски оган“.
фото: принтскрин
Европа
(Видео) Украинци: Разнесовме радар за руски „С-400“ на Крим

Украинското воено разузнавање (HUR) извести за уште еден успешен напад врз окупираниот Крим, тврдејќи дека рускиот радарски систем 91N6E, клучна компонента на системот за воздушна одбрана С-400 Триумф, бил погоден во текот на ноќта помеѓу 28 и 29 август.
„Уште еден (руски) Триумф на полуостровот е „ослепен“, се вели во соопштението на агенцијата.
Како доказ, таа обезбеди црно-бели снимки од дрон наводно на кои се гледа моментот кога рускиот систем бил погоден, чија автентичност Kyiv Independent не можеше независно да ја потврди.
Овој напад е најновиот во серијата напади насочени кон компонентите на скапиот систем С-400. Да потсетиме дека кон крајот на јуни, украинските беспилотни летала ја погодија опремата за воздушна одбрана во Крим, оштетувајќи радарски единици и други делови од системот.
Украина претходно изврши успешни напади врз радарските системи С-400, како на Крим, кој Русија го окупираше во 2014 година, така и во руски региони како што е Белгородската област.
фото: принтскрин