Македонија
Унијата на жени на ВМРО-ДПМНЕ најсилна женска организација
Под мотото „Посветено, храбро, успешно за Македонија“ во Спортскиот центар „Борис Трајковски“ се одржа 17. Годишна конференција на Унијата на жени на ВМРО-ДПМНЕ.
Во спортската сала, која е во боите на партијата, пристигнаа жени од општинските комитети на владејачката партија од речиси сите градови од земјава. Настанот почна со културно-забавна програма со настап на домашни уметници и естрадни изведувачи.
На присутните им се доделени македонски знамиња, а на оградите има транспаренти кои означуваат од каде се пристигнале членки од оваа партија, од Скопје, Битола, Чаир, Прилеп, Пехчево, Велес, Тетово, Гостивар, Дебар, Кичево…
Целта на оваа конференција, како што најави партијата, е да се претстават достигнувањата што до денес ги има постигнато Владата, а кои се поврзани со положбата на жената во македонското општество.
На насобраните се очекува да им се обрати Даниела Рангелова, претседателка на Унијата, која рече дека тие се најсилна женска организација во Македонија и пошироко.
Таа истакна дека благодарение на нивниот труд, гласот на жената во земјава денес се слуша многу повеќе отколку во минатото.
„Ние од Унијата на жени на ВМРО-ДПМНЕ го имаме својот глас. Ние сме силни жени и затоа сме најсилната женска организација во државава и пошироко. Гласот на жените во Македонија одамна се слуша, и за волја на вистината е вреднуван многу повеќе од претходно“, рече Рангелова.
„Уште пет недели до големата победа на македонските граѓани против сите оние кои ги потценуваа и со подготвени сценарија одлучија да му го земат мирот. Уште пет недели до изборите кои ќе бидат пример до сите дека не може со напишано сценарио да се урне држава и да се разнебити народ. Дека во една држава со слободоумен народ ни странски служби, ни некој кој однадвор те спремал, како што вели самиот мој политички опонент, не може да го прелаже народот. Уште пет недели кога ние од ВМРО-ДПМНЕ и коалицијата „За подобра Македонија“ ќе го почнеме новото време кое Македонија го заслужува. Свесни за работите и кои кај нас треба да ги промениме, но и промени на подобро во државата, преку реални проекти и мерки“, порача лидерот на ВМРО-ДПМНЕ, Никола Груевски на денешната конференција на Унијата на жени на партијата.
Груевски рече дека на следните избори ВМРО-ДПМНЕ ќе настапи со одлична програма која е реална и остварлива./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одрон во должина од 80 метри на патот Скопје-Велес: сообраќајот кај Сопот се одвива по една лента
Сообраќајот на патниот правец А1 Скопје – Велес, околу два километри пред Сопот, од 21 часот се одвива по една коловозна лента (десната) поради поголем одрон.
Како што информираат oд АМСМ, одронот е во должина од 80 метри.
Фото: илустрација (depositphotos)
Македонија
СДСМ-Кисела Вода бара итна исплата на надоместоците за избирачките одбори
Општинската организација на СДСМ-Кисела Вода од градоначалничката на оваа општина бара итно постапување по одлуката на Советот на Општина Кисела Вода од 7-та пленарна седница одржана на 29 јануари 2026 година, со која е предвидена исплата на надоместоците на членовите на избирачките одбори од последните локални избори.
Во писмото се наведува дека одлуката е донесена, средствата се обезбедени, но дека изостанува извршната постапка.
„Одлуката е донесена. Обврската е јасна. Средствата се обезбедени. Она што недостасува е – Ваша извршна постапка“.
Од СДСМ – Кисела Вода порачуваат дека станува збор за средства обезбедени од државата за реализација на изборниот процес и оценуваат дека секое понатамошно одлагање претставува поткопување на институционалниот интегритет.
Тие бараат најдоцна до утре да се пристапи кон исплата на средствата согласно одлуката на Советот.
Во спротивно, советничката група на СДСМ најавува испраќање официјален допис до Државната изборна комисија, известување до Министерството за локална самоуправа и информирање на претставници на меѓународната заедница.
Македонија
Николоски: Филипче се однесува како бомбаш самоубиец во обид да го заштити столчето во СДСМ
Заменик претседателот на Владата, Александар Николоски во одговор на новинарско прашање во Прилеп, каде што присуствуваше на отчет 100 дена од новото раководство на локалната самоуправа во Прилеп, истакна дека Филипче води црна и гнасна кампања против него и Македонија, со што сака да ја уништи и СДСМ и стратешките пријатели.
„Не сум изненаден, гледаме еден нихилизам, една црна кампања, гнасна кампања која доаѓа од СДС, јас сум свесен дека и Венко Филипче е свесен дека му се ниша позицијата во СДС, ја има практично киднапирано партијата за цели што само тој ги разбира и буквално се однесува како бомбаш самоубиец, сакајќи да се заштити себе и сопствената позиција во партијата и уништува се околу себе“ појасни Николоски.
Вицепремиерот истакна дека лагите и обвинувањата од страна на Филипче се гол популизам, затоа што во исто време создава токсична атмосфера во општеството којашто не е добра за Македонија.
„Најголем проблем е што овој начин на комуникација создава една токсична атмосфера во општеството, создава една атмосфера којашто не е добра и нешто што нејќе Македонија да го види. Во исто време не кара и со стратешките пријатели, знаете дека цела кампања водеше против Велика Британија со којашто потпишавме стратешки договор и со којашто имаме стратешко партнерство“, нагласи Николоски.
Во однос на обвинувањата од Филипче во делот за превозниците, Николоски е дециден дека овој наследен проблем се решава со дијалог со ЕУ.
„Пред неколку недели превозниците од Македонија и целиот регион со право ги блокираа граничните премини коишто одат кон Шенген зоната со барање да ЕК започне дијалог за решавање на проблемот за престој за професионалните возачи во рамките на Шенген зоната. Нивното основно барање беше да се започне дијалог. Планот нивни беше да блокада трае 7 дена, да на четвртиот ден излезе претседателката на ЕК и каже дека таков дијалог ќе се случи и презентираше документ којшто се вика Нова визна стратегија на ЕУ со којшто документ возачите се признати како професионалци, тоа беше едно од основните барања и во рамки на овој дијалог којшто се води во моментот треба да се донесат конечните решенија. Никој никаде а камо ли во систем како ЕУ; дека за две недели сите работи ќе бидат решени, туку тоа што јас го кажав дека ќе започне овој дијалог и дека новата визна стратегија е начинот и патеката по којшто ќе се оди“, истакна Николоски.

