Регион
Столтенберг: Русија нема да успее да го дестабилизира Балканот
Русија нема да успее да го дестабилизира Балканот, изјавил во интервју за Радио Слободна Европа генералниот секретар на НАТО, Јенс Столтенберг, пренесуваат светските агенции.
Коментирајќи ја воената вежба „Словенско братство 2016“, во која во Србија учествуваат силите на Русија и Белорусија, Столтенберг изјавил дека не гледа стратешка важност на овие вежби, но дека тие секако се еден обид на Русија да испрати јасен сигнал до НАТО дека има стратешки интерес во регионот, особено по одлуката на Алијансата да ја прими Црна Гора.
„Но од целокупната перспектива, имајќи го предвид бројот на учесници во вежбата, таа е доста ограничена, а освен тоа, колку што знам Србија протера неколку Руси од Србија непосредно пред организирањето на оваа вежба. Јас мислам дека на крајот на денот Србија добро знае дека нејзината иднина е во европските институции, првенствено во Европската унија, но исто така долгорочно гледано и на членството во НАТО“, рекол Столтенберг.
На прашањето дали мисли дека Русија ќе се обиде да го дестабилизира западен Балкан, особено сега кога Црна Гора ќе стане дел од Алијансата, Расмусен рекол дека тоа секако е случај, но дека таа нема да успее.
„Секако дека ќе се обиде, но мислам дека нема да успее, особено поради тоа што одговорните сили во Србија добро знаат дека земјата пред се мора да го обезбедни членството во НАТО и исто така сметам дека во долгорочна перспектива таа ќе стане членка на Алијансата“, порачал Столтенберг./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.