Политика
Заев преку писмо повикува да се преземат чекори по мислењето на Венецијанската комисија
Лидерот на СДСМ, Зоран Заев, упати писма до претседателите на политичките партии-потписнички на Договорот од Пржино и до амбасадорите на ЕУ и САД во Македонија, во кое повикува да се преземат чекори по мислењето на Венецијанската комисија.
џВо писмото, претседателот Заев наведува дека по донесувањето на мислењето за Законот за приватност и Законот за пријавувачи од страна на Венецијанската комисија, потребно е да се преземат чекори за да се избегнат штетните недоследности во примената на Договорот од Пржино.Заев повикува на решавање на неколку прашања пред Законот за приватност и Законот за пријавувачи да влезат во сила, како и пред датумот на распуштањето на Собранието.Тој ја изнесува подготвеноста на СДСМ барањето на решенија за прашањата да се одвива или на ниво на работна група или на ниво на лидерска средба. „Венецијанската комисија веќе го донесе Мислењето за Законот за приватност и за Законот за пријавувачи, кои беа предмет на спогодба во рамките на спроведувањето на Договорот од Пржино. Како дел од договорот, четирите политички партии од Работната група презедоа обврска да ги изменат овие закони согласно Мислењето на Венецијанската комисија. Од таа причина, гореспоменатите закони не се применуваа по влегувањето во сила на Договорот, туку по 10-ти мај 2016 година Венецијанската комисија заклучи дека Законот за приватност бара длабинска ревизија“, потсетувата од СДСМ. Прво, треба да се допрецизира опфатот на примената на Законот за приватност како и неговата поврзаност со другите закони. Според Мислењето, законот воспоставува мошне ригидно правило според кое се забранува објавувањето на сите прислушувани материјали. Венецијанската комисија препорачува законот да дозволува објавување на содржини кои се поврзани со прашањето на јавен интерес, со тесно дефинирани исклучоци, а поврзани со откривањето на информации за интимните аспекти на приватниот и на семејниот живот. Законот треба да остави простор за балансирање кое би го правеле прво, новинарите, а потоа судовите итн. Како што потсетува Зањев, особено при ревидирањето на овие два закона, Венецијанската комисија ги поканува македонските власти да ги земат предвид следниве главни препораки: Да се предефинира материјалниот опфат на Законот за приватност со цел да се отстранат какви било двосмислености за тоа кои содржини се во негова надлежност; Законот за приватност треба да дозволува објавување на материјали кои се од јавен интерес, со некои потесно дефинирани исклучоци, а поврзани со јавното откривање на информации од интимен карактер од приватниот и од семејниот живот. Исто така, обврската, во Законот за приватност, да се предадат материјалите на нововоспоставеното Специјално обвинителство треба да биде појасно напишано. Таа обврска не треба да го исклучува објавувањето на содржините кои допираат прашања од јавен интерес. Ефективноста на Специјалниот обвинител треба да биде загарантирана со соодветни мандат, овластувања, средства и персонал, потсетува Заев.Членот 6 од стр. 1 од Законот за пријавувачи треба да се ревидира – да биде можно јавно откривање онаму каде што не постојат механизми за внатрешно/надворешно објавување, онаму каде што тие недвосмислено се неефикасни или онаму каде што постои очигледен ризик од покривање на злоделото или од избегнување на одговорноста од страна на сторителите. Овој член треба да се однесува на општата дефиниција на „јавниот интерес“.Исто така, Законот за пријавувачи мора да утврдува до која мера и во кои околности „јавниот интерес“ зад објавените материјали му гарантира на пријавувачот заштита од можни дисциплински казни (и слични мерки поврзани со работното место), но и од какви било кривични санкции или од граѓански одговорности, како и можните исклучоци од ова правило.Со оглед на договореното од страна на четирите политички партии, со меѓународна поддршка и посредство, СДСМ верува дека е од исклучителна важност да се испочитува спогодбата, додава Заев во писмото./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.