Скопје
Клубот 25 со крводарителска акција го одбележа 13-ти Ноември

Традиционалната акција по повод 13-ти Ноември, која ја организира Црвениот крст во соработка со Клубот 25,се одржа во петок во просториите на центарот „Даре Џамбаз“,а учество во реализацијата земаа десетина помлади волонтери.
И Општинската Организација Карпош ја поддржа акцијата, а носители на акцијата се Клуб 25.
Овој клуб е организација на млади луѓе – волонтери кои работат на промоција и мотивација на крводарителството меѓу младите и здрав живот. Нивното учество се состои од земање податоци и делење на храна по дарувањето крв.
Клуб 25 е основан во Зимбабве. Поради големата смртност од сида во оваа Африканска земја, се појавила идеа кај младите од 16 годишна возраст, па се до нивната 25 година од животот, да даруваат крв.
На машката популација и е дозволено дарување четири пати во текот на годината, а на девојчињата три. На тој начин, понесени од првичната идеа, од таа возраст до граничната, сметајќи дека тоа е периодот кога тие се најздрави и би биле најполезни за во иднина, клубот од замисла, започнува да се интегрира и практикува. Вкупниот број на дарувања од еден поединец во тој период би требало да изнесува дваесет и пет, со што и самиот клуб го формулирал своето име. На овој начин, од основањето на клубот до денес стапката на смртност од сида е намалена за 40 отсто во оваа африканска земја.
Kлуб 25 го има глобално низ светот, а на овој тренд му се придружува и Црвениот крст на Македонија.
Во Македонија старосната граница за почеток на дарување крв е 18 години. Основната цел на Клубот преку спроведување акции и едукации, е да се зголеми свесноста во овој сегмент од секојневниот живот, да им се приближи важноста на младите луѓе од практикување на здрави навики и нивна имплементација во секојдневниот живот, како и огромното значење на самото крводарителството на општествено ниво./крај/мф/лл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Фото) Признанија за најдобрите ученици од општина Илинден

Градоначалникот на општина Илинден Александар Георгиевски приреди прием за учениците од општинските основни училишта кои освоија високи места на државните натпревари и им додели признанија за постигнатите резултати.
Градоначалникот им ги честиташе успесите на учениците и нивните ментори и истакна дека е горд што има голем број наградени ученици од општина Илинден. Тој додаде дека локалната самоуправа посветено цели да ги промовира и поттикнува постигнатите успеси и достигнувања на учениците од општината.
На вкупно 20-тина ученици и нивните ментори и годинава им беа доделени признанија за постигнатиот успех, што претставува признание за трудот на наградените, но и мотив за останатите. Учениците беа наградени за високи достигнувања на државните натпревари по македонски јазик, англиски јазик, биологија, природни науки, како и на натпреварот по Информатичко размислување, велат од Општината.
Македонија
(Фото) Герасимовски: Граѓаните со големи пофалби за новоизградената градинка „Пролет“

Вчера, во рамки на караванот „Се гледаме во маало“, градоначалникот Горан Герасимовски се сретна со жителите на населбата Пролет, каде пред само еден месец беше отворена најубавата и најмодерната градинка „Пролет“ во Македонија.
Жителите на оваа населба упатија големи пофалби за новоизградената градинка, прва и единствена во Пролет која претставува вистински пример за современа детска заштита. Изградена според највисоки светски стандарди, со целосно нова, безбедна и инклузивна средина, таа денес е гордост на целата општина, велат од Центар.
„Овие маалски средби ни се многу важни, тие се можност директно да го слушнеме мислењето на граѓаните, нивните идеи, предлози и предизвици. Затоа и го правиме овој караван, затоа што општината не треба да чека граѓаните да дојдат кај нас, туку ние треба да одиме кај нив и да работиме исклучиво во нивен интерес“, изјави Герасимовски.
Средбата се одржа на маалско игралиште кое беше опремено од градоначалникот Герасимовски, каде што децата безгрижно растат, учат и се дружат. Центарци го поздравија континуираниот развој на Центар, во изминатиот период беа реконструирани 20 улици, подобрени беа условите во сите градинки и основни општiски училишта, а есенва ќе биде пуштена во употреба и реконструираната спортска сала „Работнички“, уште еден капитален проект во интерес на граѓаните, соопшти Општината.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.