Судскиот совет на Република Македонија во средатаодржа итна седница на која за судија на уставен суд го предложи судијата од Врховен Владимир Стојаноски. Едногласно со 13 гласа беше изгласан како предлог на претседателот на Врховниот суд Јово Вангеловски

Собранието треба утре да го стави предлогот на дневен ред и да гласа. Известување од собранието дека судскиот совет треба да достави предлог за судија на Уставен суд од редот на судиите во советот пристигнало вчера. На седницата освен Стојаноски немаше други предлози. Судијата Стојаноски има богата и активна кариера.Роден е во Битола но се школувал во Скопје За судија на Врховниот суд на Република Македонија на 2010 година. Работел прво како стручен соработник, потоа како советник и државен советник во Владата на Република Македонија во периодот од 1992-2002 година, во 2002 година во Фонд за земјоделство како пом. директор за финансиски и правни работи, во 2004 година во Министерство за земјоделство и рурален развој како пом. раководител на сектор за финансиска поддршка во земјоделството и рурален развој и во 2006 година како Директор во Бирото за судски вештачења. За судија во Управниот суд е избран во 2007 година. Бил и член на Комисија за завршен испит на Академија за обука на судии и јавни обвинители (ноември 2008), Член на Правниот совет на Владата на Република Македонија (јуни 2001) и на други комисии. Доколку биде избран тој ќе седне на местото на Трендафил Ивановски кој е разрешен од функцијата судија во уставен суд бидејќи беше објавено дека е соработник со тајни служби. Ивановски одлуката на Комисијата за лустрација ја обжали но Управниот и Врховниот суд одлуката дека тој бил кодош ја потврдија со што Ивановски не смее повеќе да биде судија.