Свет
Костовски не би го уривал "шпанското село"
Не можам да дадам конкретен одговор на прашањето дали ќе се легализираат дивоградбите во парк-шумата Водно, вели скопскиот градоначалник Трифун Костовски.
Дивоградби на Водно
Не можам да дадам конкретен одговор на прашањето дали ќе се легализираат дивоградбите во парк-шумата Водно, вели скопскиот градоначалник Трифун Костовски.
– Јас би бил среќен кога прашањето за легализацијата на дивоградбите на Водно би го поставиле тие што ги создадоа, бидејќи таа работа не е од вчера, туку трае со години. Одговорот на прашањето дали ќе се урива или не ќе го даде мнозинството на Советот на Град Скопје, а мојот став е прагматичен. Се што може да им штети на граѓаните ќе се лицитира. Но, ако може да се направи компромис од кој и Градот ќе има бенефит, јас сум за тоа. Не сме богато општество во кое туку-така може да се гради и да се урива. Освен тоа, по уривањето на Водно ќе се создаде голема депонија, чие расчистување ќе падне на товар на Градот – вели Костовски.
Во Министерството за транспорт и врски велат дека дивоградбите во “шпанското село” што не може да се вклопат во Генералниот урбанистички план сигурно ќе паднат, а деновиве завршува и тендерот за избор на фирмите што ќе уриваат. Но, во Министерството оставаат простор за уривањето да одлучат и локалните власти, бидејќи по први јули се децентрализираат многу надлежности од областа на урбанизмот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саливан: Бајден е решен да постигне примирје и договор за заложниците во Газа
Американскиот претседател Џозеф Бајден е решен да постигне прекин на огнот во Газа и договор за заложниците со Хамас, а во исто време се обидува да ги деескалира тензиите на границата на Израел со Либан, изјави денеска советникот за национална безбедност на Белата куќа, Џејк Саливан.
„Тој, апсолутно, не се откажа“, рече Саливан во интервју за MSNBC неколку часа пред Бајден да се обрати пред Генералното собрание на ОН последен пат како претседател на САД.
Бајден ќе работи со светските лидери собрани во Њујорк за да се постигне договор за прекин на огнот и заложниците во Газа за да се спречи сеопфатна војна на Блискиот Исток, рече Саливан, пренесе „Ројтерс“.
Тој призна дека има предизвици во постигнувањето на конечната цел кога станува збор за израелскиот премиер, Бенјамин Нетанјаху, и лидерот на Хамас, Јахја Синвара, но додаде дека Хамас и Синвар особено не сакаат да постигнат договор.
„Но, ние сме решени да продолжиме со тоа“, рече Саливан.
Според него, конфликтот со Хезболах на северната граница на Израел се спремапе, растеше и стагнира од 7 октомври и сега расте.
„Но, ние го спречивме тоа во тие претходни скокови и верувам дека сè уште можеме да најдеме начин да постигнеме деескалација меѓу Израел и Либан и да донесеме дипломатско решение, што ќе им овозможи на луѓето да се вратат во своите домови“, рече Саливан.
Свет
Белата куќа ги повика Американците да го напуштат Либан додека сè уште се достапни летовите
Портпаролот на Белата куќа за национална безбедност, Џон Кирби, денеска, изјави дека Американците во Либан треба да ја напуштат таа земја додека сè уште се достапни летовите поради ескалацијата на насилството меѓу Израел и Хезболах по должината на израелско-либанската граница.
„Сакаме со сигурност да кажеме дека сè уште има комерцијални летови за Американците да заминат, а оние што се во Либан треба да заминат сега додека тие опции се сè уште достапни“, рече Кирби за Еј-би-си додавајќи дека американските власти се во постојан контакт со своите израелски колеги, пренесува „Ројтерс“.
Либанското Министерство за здравство соопшти дека, според новиот биланс, од понеделникот во израелските напади врз Либан загинале 558 лица, од кои 50 се деца, а 94 се жени, а 1.835 лица се ранети, пренесува „Танјуг“.
Свет
(Видео) Жесток напад на Бејрут
ИДФ потврди дека штотуку извршила насочен воздушен напад врз Бејрут.
The Israel Defense Force has announced that a Targeted Strike, likely on a Senior Hezbollah Leader, was carried out against Beirut. pic.twitter.com/Rrz79C4iNQ
— OSINTdefender (@sentdefender) September 24, 2024
Либанското Министерство за здравство потврди дека од понеделникот во израелските напади загинале 558 луѓе. Според министерот за здравство, Фирас Абијад, меѓу жртвите има и 50 деца.
Во најновиот извештај за последиците од израелските напади во понеделникот, либанскиот министер за здравство, Фирас Абијад, рече дека 1.835 лица се повредени во нападите. Тој додаде дека медицинскиот персонал работел „над нивните можности за да се грижи за сите пациенти“.