Свет
Директорот што препакуваше лекови ќе шефува со Фондот?
Ексдиректорот на Фондот за здравство Борче Наумовски што тогашниот премиер Бранко Црвенковски го смени за основано сомневање за копрупција во аферата со препакување на словенечкиот антибиотик "орацеф", сега е кандидат на министерот Владо Димов
БУЧКО ГИ ВРАЌА КАДРИТЕ ШТО БРАНКО ГИ ИЗБРКА ЗА КОРУПЦИЈА
Ексдиректорот на Фондот за здравство Борче Наумовски што тогашниот премиер Бранко Црвенковски го смени за основано сомневање за копрупција во аферата со препакување на словенечкиот антибиотик "орацеф", сега е кандидат на министерот Владо Димов за пре
Министерот за здравство Владо Димов наумил да го смести ексдиректорот на Фондот за здравство Борче Наумовски да шефува со државните здравствени пари. За својот предлог неговата десна рака да стане претседател на Управниот одбор на Фондот јавно Димов проговорил на неодамнешната средба со претставниците на Светската банка.
– Еве го мојот предлог за во Управниот одбор, рекол Димов, и покажал кон Наумовски. Ова бил негов одговор на поставеното прашање зошто само Министерството за здравство се уште не го кажува својот предлог за телото кое ќе одлучува за тоа како ќе се трошат парите на осигурениците, а во кое барем според предлогот на банкарите доминантна улога треба да имаат оние кои ја полнат касата.
Димов на официјалните прашања за предлогот на Министерството упорно одговара дека се уште нема направено избор кој да седне во управниот одбор.
За министерот за здравство шпекулација е тоа што во јавноста за оваа позиција се вртат имињата на Наумовски, како негов фаворит и вториот предлог за оваа функција, актуелниот државен секретар д-р Ратка Куљан – Зографска.
Наумовски важи за специјален советник на Димов за здравствено осигурување. Тој во Министерството официјално е вработен пред еден месец, иако го советува Димов отако стана министер. Предлогот Наумовски да биде член во Фондот добило големи размери, коментираат за ВЕСТ извори од извршната власт, поради дебелото досие што зад себе го носи фаворитот на Димов. Како што дознаваме, упатените во партиските комбинаторики во здравството се потрудиле да ги потсетат кадровиците на владејачките партии на биографијата на Наумовски.
Кариерата на бившиот фондовец на јавноста и е позната по скандалот што во 1997 година изби во здравството со препакувањето на словенечкиот антибиотик "орацеф". Тогаш, тој, како што пишуваа весниците, заедно со тогашниот министер за здравство Илија Филипче беа вмешани во аферата со препакувањето лекови со поминат рок. Во објавуваните текстови во медиумите во април 1997 година, Наумовски беше прозван за малверзациите со тетовската веледрогерија "Медифарм комерц". Со негово, и со знаење на тогашниот министер Филипче, тетовската веледрогерија препакувала антибиотици со поминат рок во стан во скопската населба Чаир. Станот во тоа време бил сопственост на Наумовски. Според наодите, влезени и во полициските билтени, препакуваните лекови биле ставени во нова амбалажа со уреден датум и упатство за употреба. Овие лекови подоцна, преку Фондот за здравство завршиле во државните аптеки.
За овој скандал, Наумовски заработи кривична пријава, по што следеа и пријави за купување поскапи лекови од фондовски пари, а без тендер. Неговата смена, како што беше наведено од тогашниот премиер Бранко Црвенковски, се должи на "основано сомневање за корупција". Дел од кривични пријави уште се по судските фиоки.
А. Стојановска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.