Македонија
Орудија од Првата светска војна пронајдени во Охридско езеро
Членови на Клубот за подводни активности „Охрид“ и на Нуркачкиот центар „Амфора“ при нуркање во Охридското Езеро пронајдоа 29 бајонети и еден шлем за кои се претпоставува дека потекнуваат од периодот на Првата светска војна, пренесе Охридњуз.
Членови на Клубот за подводни активности „Охрид“ и на Нуркачкиот центар „Амфора“ при нуркање во Охридското Езеро пронајдоа 29 бајонети и еден шлем за кои се претпоставува дека потекнуваат од периодот на Првата светска војна, пренесе Охридњуз.„Орудијата ги пронајдовме при сосема обично нуркање и ги предадовме на охридскиот Завод и Музеј“, истакна Милутин Секулоски, меѓународен нуркачки инструктор. Тој посочи дека досега нуркачите од охридските клубови имаат пронајдено 80-на парчиња најразлично орудие кое датира од крајот на 18 и почетокот на 19 век.Секулоски не ја откри локацијата на која е пронајдено орудието, со цел, како што истакна, да се заштити културното наследство од неодговорни поединци кои кога ќе откријат вредни предмети во езерото наместо да ги предадат на Заводот и Музеј ги задржуваат за себе.Горан Митрески, кустос во Завод и Музеј Охрид искажа благодарност до охридските нуркачи кои и по завршување на заедничкиот проект „Охрид подводно депо на оружје“ самоиницијативно пронашле артефакти и истите доброволно ги предале во установата.Кустосот Митрески најави дека по завршување на процесот на конзервација кој е бавен, пронајдените орудија ќе бидат изложени во охридскиот Музеј. /крај/ох/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.
Македонија
Оштетени билборди и рекламни паноа на политичка партија во Тетово
Вчера на улицата ,,Киро Ристовски-Дрнц” и на улица „Маршал Тито” во Тетово биле оштетени билборди и рекламни паноа од парламентарните избори од една политичка партија.
Се преземаат мерки за расчистување на случајот, објави МВР.
Македонија
Демократски сојуз предлага платите на полицајците да бидат колку оние на обвинителите и судиите
Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.
Празникот се совпаѓа и со изборите за претседател на државата и за пратеници, каде за жал, како што велат од патијата, улогата на полицијата е клучна за обезбедување стабилност и услови за мирни и фер избори.
„Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн). Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари“, додаваат од партијата на Павле Трајанов.
Предлагаат двојно зголемување на платите на полицијата и нивно усогласување со платите на обвинителите и судиите.