Спорт
Спортските клубови стануваат акционерски друштва
Унапредување и професионализација на спортот, трансформација на клубовите во акционерски друштва и професионални спортски клубови се предвидени со измените на Законот за спорт, усвоени на владината седница, соопшти на прес-конференција директорот на Агенцијата за млади и спорт Диме Спасов
Како што рече директорот на АСМ, Диме Спасов, измените се однесуваат во доменот на орагнзиирањето на клубовите во елеитните натрпеварувања, односно во првите лиги во фудбал, кошарка, ракомет и одбојка. Со ова, како што рече Спасов, се создава можнсота македоснктие спортски клубови во најатрактивните спортови да се професионализираат.„Со оваа мерка ќе се придонесе кон следење на европските и светските искуства, каде што најголемиот број клубови функционираат како акционерски друштва, кон регулирање и утврдување на сопственоста на клубовите, привлекување повеќе спонзори и приватни компании кои ќе инвестираат во спортските клубови, создавање професионални лиги, подобрување на организацијата, како и регулирање на статусот на спортистите и трнерите во насока на обезбедување пензиско, здравствено и социјално осигурување од клубовите“, рече директорот на Агенцијата за спорт и млади.Според Спасов се очекуваат позитивни придобивки за македонскиот спорт и создавање на професионален спорт, а при изработката на измените прво биле оценувани можностите на спортските клубови, односно кои спортски клубови може да се трансформираат во акционерски друштва. Тој додаде дека во однос на индивидувалните спортови каде што има помал број спортисти, Агенцијата ќе дава поголема поддршка, не само преку стипендии за младите спортисти и пензии, туку и со оддршка на меѓународните програми за подготовки на европски и светски натпреварувања и олимпијади на нашите репрезентативци.Со измените е опфатено и Собранието на Националната спортска федерација, при што се предлага и поширока законска рамка за неговиот состав. Имено споре изменит ена Законот, Собранието ќе го сочинуваат претставници од клубовите од првите и вторите лиги, како и други здружени во федереациите, претставници на спортските тренери, ветерани, судии и спортисти од дадениот спорт, кои ќе бдиат предложени од нивните организации.Исто така, предвидени се и лиценцирања на стручните лица, така што покрај досегашниот услов стручното лице да има соодветно образование од областа на спортот од најмалку вишо образование, за стручно образование ќе се смета и стекната лиценца добиена од соодветна меѓународна спортска асоцијација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дончиќ за нов брејк на Далас во ЛА, Мајами без шанси во Бостон
По поразот на вториот натпревар, Бостон Селтикс го исфрлија сиот бес на ослабениот Мајами и се пласираа во полуфиналето на Истокот, а Далас по победата во Лос Анџелес е на чекор до пласман во второто коло на Западот.
Бостон Селтикс го победија Мајами Хот со 118:84. Серијата, Селтикс ја добија со 4:1. Последните три натпревари Селтикси ги добија со вкупна разлика од 68 поени.
Џејлен Браун и Дерик Вајт постигнаа по 25 поени, Џејсон Тејтум додаде 16 поени и 12 скока.
На другата страна Бем Адебајо беше најдобар со 23 поени, пет скока и шест асистенции, Тајлер Хиро даде 15 поени.
Лука Дончиќ е болен, го мачи и коленото, но блесна и со 35 поени, седум скока и 10 асистенции го предводеше Далас до триумф над Клиперс 123:93. Кајри Ирвинг постигна 14 поени, а Макси Клебер забележа 15 поени (5-7 за три).
Кај Клиперс потфрлија најдобрите, Пол Џорџ постигна само 11, а Џејмс Харден седум поени.
„Сега треба да победиме на еден од следните два натпревари. Мора да играме на ист начин“, изјави Дончиќ и додаде:
„Болеста ми ја отежна работата, коленото не е многу добро, но адреналинот е тука кога си во плеј-офот. Кога ќе започне натпреварот, се што сакам е да победам“.
Шестиот натпревар ќе се игра во сабота во 3:30 часот по средноевропско време, во Тексас.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.