Македонија
Невреме со град колку тупаница го зафати Велес
Невремето со врнежи од дожд и град што вчера вечер го зафати Велес предизвика големи штети по бавчите и лозјата во непосредната околина на градот, јавува Лисица.
Невремето со врнежи од дожд и град што вчера вечер го зафати Велес предизвика големи штети по бавчите и лозјата во непосредната околина на градот, јавува Лисица.
Утрово на своето лозје во близина на Топилницата дојде Богдан Андреевски, да види дали има штета и евентуално да ја санира. Но првиот впечаток му бил за неверување.
„Јас 40 години доаѓам овде на ова лозје и можам да кажам дека никогаш ваков град не нема погодено. Лозјето можам да кажам дека е уништено 90 проценти, штетата е голема“, вели Андреевски.
Лани лозјето му било осигурано, но годинава тоа не го направил ,па сега единствено му останува надежта дека надлежните ќе му покријат дел од штетата.
„Лани го осигурав, надевајќи се на субвенциите, но откако ништо од тоа не испадна годинава решив да не го осигурам и еве што не снајде“, вели Андреевски.
Штети на поседите до општинската комисија за проценка денеска пријавуваат граѓани од Шорка, Речани, Башино Село најмногу на фолиите. Северозападниот дел од општината е најпогоден од невремето.
Граѓаните сведочат дека градот бил со големина на тупаница, а доказ за тоа се остатоците со големина на кајсија што регистриравме денеска дури 13 часа по невремето.
Големи штети има и на автомобилите. Градот пукнал или искршил повеќе стакла на автомобилите.
Од центарот за управување со кризи информираат дека од невремето имало прекин на снабдувањето со електрична енергија кон селата Лисиче, Јаболчиште и населба Чашка./крај/лисица/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лукаревска: Оддаваме почит на ликот и делото на Гоце Делчев, неговиот аманет е и за идните генерации
Заменик претседателката на СДСМ и носителка на листа во изборната единица 3 од СДСМ и Коалицијата за европска иднина денеска даде изјава за медиуми во која што посочи дека СДСМ оддава почит на ликот и делото на великанот Гоце Делчев, а неговиот аманет е за сегашните и за идните генерации.
„Денеска оддаваме почит на ликот и делото на Гоце Делчев. Неговиот аманет е и за сегашните и за идните генерации. Делчев е симбол на единството и државотворноста, се борел за слободна и просперитетна држава. Ние сме тие коишто неговиот аманет ќе треба да го продолжиме во иднина“, рече Лукаревска.
Македонија
Владина делегација положи свежо цвеќе на гробот на Гоце Делчев – одбележана 121 годишнина од неговото загинување
Владина делегација предводена од министерката за одбрана Славјанка Петровска заедно со министерката за животна средина и просторно планирање Каја Шукова со положување цвеќе на гробот на Гоце Делчев во црквата „Св. Спас“ во Скопје, ја одбележа 121 годишнина од загинувањето на идеологот и синонимот за народна борба за слобода.
Пред саркофагот на великанот се поклонија и му оддадоа почит и Претседателот на Република Северна Македонија Стево Пендаровски и делегациите на Собранието, на Армијата, на Сојузот на борците, на дипломатскиот кор, на политичките партии како и други почитувачи на делото на Гоце Делчев.
Денес се сеќаваме на големото дело на Гоце Делчев како срцевина на македонската револуционерна и интелектуална борба за македонска држава која е еднаква за сите. Тој се бореше и го положи својот живот за слободна и независна Македонија, неговите идеали и заложби се наша заедничка обврска да продолжиме да градиме демократска и економски напредна земја. Вечен останува споменот на великанот на македонското револуционерно дело и државност Гоце Делчев.
Македонија
Мојсоска: Усеини уништува антифашистичко наследство додека СДС и ДПМНЕ молчат
Од локацијата кај познатата Бела куќа на ул. ,,Димитар Влахов” бр. 9 во Охрид, од каде бескруполозно беше тргната плочата од НОБ, Носителот на ИЕ5 и Генерален секретар на Левица, Јована Мојсоска истакна:
,,Овој културен објект беше уништен од страна на локалниот шериф, Нефи Усеини. Плочата на АСНОМ каде пишува за осудените антифашисти од страна на бугарскиот окупатор, беше тргната пред месец дена. Од градоначалникот Пецаков нема никаква реакција додека се уништува антифашистичкото наследство од страна на поранешниот функционер на ДУИ”.
Мојсоска се наврати кон 2019 година кога беа силни обвинувањата на ВМРО – ДПМНЕ кон Усеини. Според Мојсоска, наспроти тоа, се испоставува дека коалицијата ДПМНЕ – ДУИ сега е уште посилна, благодарение на заедничките бизнис – интереси.
,,Ќе потсетам дека во 2019 година, токму ВМРО-ДПМНЕ обвинуваше дека Усеини го тероризира Охрид. За жал, Охрид го губи својот автентичен изглед, иако за овој објект има Решение за уривање. Институциите молчат, молчи и Министерството за култура кое е раководено од социјал-демократите”, додава Мојсоска за криминалот на поединците и молкот на институциите.
Јована Мојсоска како Носителот на ИЕ5 и Генерален секретар на Левица, порачува:
,,Затоа на 8 мај, да заокружиме број 5, за да ставиме ред во безредието и закон во беззаконието!”