Спорт
Милан со победа ја потврди титулата
Со победата над Каљари од 4:1 на својот „Сан Сиро“ во 37-то претпоследно коло од Серија А, фудбалерите на Милан ја потврдија својата 18-та титула
Ова е прва титула за „росонерите“ по 2004 година, која беше и теоретски освоена уште минатото коло со ремито 0:0 на римски „Олимпико“ против домашната Рома.Милан го реши прашањето на победникот уште по 35 минути во првото полувреме кога поведе со 3:0. Стрелци за Милан беа Робињо во 22 и 35, Џенаро Гатузо во 24 и Калренс Сидорф во 77 минута, додека за Каљари почесниот гол го постигна Андра Косу во 38 минута. Од синоќешниот меч за одбележување е и моментот на десет минути мечот за пред крајот кога во игра влезе 37-годишниот ветеран на Милан, Филипо Пипо Инзаги кој се појави на теренот по шестмесечна пауза откако ланскиот ноември против Палермо скина лигамент на ногата и му беше оштетен менискус на левото колено.Во вториот натпревар одигран во саботата од рамките на претпоследното коло од италијанското фудбалско првенство Лацио на „Олимпико“ ја совлада Џенова со 4:2. Стрелци за Лацио беа Џузепе Биава во 7, Томазо Роки во 52 и Хернанес во 55 и 66 минута, додека за Џенова головите ги постигнаа Паласио во 12 и Флорес во 89 минута. Лацио моментално е на четвртото место кое води во квалификациите за Лигата на шампионите, додека Џенова е на 10-то место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.