Свет
Голема акција на ФБИ против мафијата во САД

Повеќе од 120 припадници на пет мафијашки семејства од Њујорк се обвинети за убиства, рекетирање, илегално обложување и трговија со наркотици, во една од најголемите рации против мафијата во историјата на ФБИ, објавија американските сојузни обвинители
Американскиот министер за правда, Ерик Холдер на прес конференцијата во Њујорк изјави дека помеѓу 127-те обвинети има и високопозиционирани членови на фамилиите Гамбино и Коломбо. Меѓу уапсените е поранешниот шеф на организираниот криминал во регионот Њу Ингланд, кој ги опфаќа државите на североистокот на САД. На мета на ударот против организираниот криминал се сите пет главни фамилии на „Коза Ностра“ во Њујорк – Џеновезе, Гамбино, Лукезе, Коломбо и Бонано. Во рацијата во која се уапсени членовите на мафијата учествувале 800 агенти на ФБИ и полицијата во сојузните држави Њујорк, Њуџерси и Род Ајсланд. Еден од обвинетите е уапсен во Италија. Министерот Холдер акцијата ја нарече „важен чекор напред во борбата на САД против организираниот криминал. Властите соопштија дека во истрагата помогнале доушници кои успеале да снимат илјадници часови разговор со осомничените мафијаши.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.
Свет
Ница ја погоди земјотрес со јачина од 4,1 степени

Земјотрес со јачина од 4,1 степени според Рихтер вечерва ја погоди областа во близина на францускиот град Ница, соопшти Европскиот медитерански сеизмолошки центар (EMSC).
Земјотресот се случил на 16 километри северно од Ница, каде живеат околу 340.000 жители, додава EMSC.
Земјотресот се случил на длабочина од десет километри.