Политика
Груевски: Народот прави разлика меѓу остварени ветувања и празни зборови
Она што ВМРО-ДПМНЕ го ветува е реално и остварливо, она што нашите политички опоненти го говорат се најчесто празни зборови и многу често нереални ветувања, затоа не може да им се верува, порача челникот на владејачката партија ВМРО-ДПМНЕ, Никола Груевски.
„Нашиот народ е мудар и добро знае зошто гласа за нас и што е разликата меѓу нас и нив, а тоа е трудот, посветеноста и работата, држењето до дадениот збор“, рече Груевски во неделата вечерта во спортскиот центар „Јане Сандански“ каде што водството на ВМРО-ДПМНЕ го презентираше отчетот за сработеното како влада во изминатиот период.
„Нас нé разликуваат од нашите политички противници. Особено во едни многу сложени околности, какви што имавме кога правеа сé за да нé дефокусираат, оцрнат, оддалечат од она за што сме избрани од вас граѓаните на фер, демократски и легитимни избори. Ние не застанавме, продолживме да работиме на создавање дела, мерки и проекти што ќе го подобрат животот на сите граѓани во Република Македонија. Затоа, знаејќи дека успеавме да го направиме ова во еден исклучително бурен политички период, цврсто сме убедени дека по убедливата победа на следните парламентарни избори, ќе продолжиме да работиме посветено на создавање проекти, мерки и дела што ќе го подобрат животот на сите во нашата држава“, порача рече Груевски.
Претседателот на ВМРО-ДПМНЕ потоа го започна отчетот пред граѓаните за исполнетите дела и ветувања, потенцирајќи дека трудот што го вложила владејачката партија се темели на дадената доверба од самите граѓани и поддржувачи на политиките на партијата.
„Пред вас денеска се наоѓа капитално дело кое е компилација од нашиот труд во изминатите години, а се темели на дадената доверба од вас, граѓаните, народот, поддржувачите на политиките на ВМРО-ДПМНЕ и Коалицијата за подобра Македонија. Во овој отчет се опфатени проекти во периодот од 2014 до 2016 година, но и некои поголеми и значајни проекти кои започнале или се реализирале до 2014 година“, рече Груевски признавајќи дека на неколкуте стотини страници тешко може да се презентира што сé е сторено.
„Но едно е важно, фактот дека најголем дел од ветено е остварено или почнало да се остварува. Има и многу работи кои не се ветени, а се остварени по барање на граѓаните тоа нé прави поразлични. Вредноста во политиката не е она што ќе го кажат, туку тоа што ќе го направат политичарите за државата, делата треба да зборуваат за нас, не за нашите зборови. Дадениот збор за нас во ВМРО-ДПМНЕ и Коалицијата за подобра Македонија претставува завет пред граѓаните, а делата го сведочат тоа, проектите им помагаат на луѓето и им го прават животот поразличен и подобар, поквалитетен во повеќе сегменти. Покажавме како изгледа да се гради, да се грижиш за своите граѓани, да помагаш, да решаваш проблеми, реформи“, додаде Груевски.
Поради тоа, како што истакна во продолжение, избирачите денес лесно можат да направат споредба од некогаш и денес.
„Нашата работа донесе нови работни места чиј број на новоотворени работни места достигна 150.000. Од 560.000 вработени на над 710.000 во Македонија. Платите на просветните работници се во постојан раст, најниската од 2006 година до денес е зголемена за 119 отсто а највисоката за 67 отсто, пензионерите просечна пензија е зголемена за над 70 отсто, најниската за повеќе од 90 проценти“, конкретизираше Груевски.
Натаму челникот на ВМРО-ДПМНЕ, пред од своите ресори податоците да ги изнесат министрите од неговата партија, додаде дека ползата од политиките што ги спроведува неговата влада ги почувствувале и земјоделците, истакнувајќи дека за нивна поддршка биле вложени 1,55 милијарда евра.
Груевски, исто така, рече дека покажале како треба да се унапредува здравство, преку градење болници и клиники, и набавка на многу современа медицинска опрема вредна над 100 милиони евра, но и едукација на докторите во странство за да ги научат и применат во Македонија најновите методи за дијагностика и лечење на различни болести.
„Грижата за иднината на држава се гледа во образованието преку шансата за запишување на универзитет преку двата новоотворени државни универзитети, зголемените стипендии и намалени партиципации, можност за студирање во странство, трошок покриен од Буџетот. Граѓаните знаат што значи да се обновува инфраструктурата. Градиме три нови автопата, над 510 регионална и 750 километри локална патна мрежа“, рече Груевски истакнувајќи дека споменатите и уште повеќе од 3.500 други проекти, мерки, реформи се реализирани во неколку последователни години во настојувањата земјата да биде посилна и помоќна
„Ова е разликата. Делата нас нé прават поразлични од другите политичари кои само ветуваат брда и долини и не испорачуваат резултати. Резултатите преточени во дела не разликуваат од останатите, она што го ветуваме е реално и остварливо. Отчетот е доказ за тоа“, заклучи Груевски./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.