Спорт
Бекам: Анчелоти ќе го врати трофејот од Премиер лигата на Стемфорд Бриџ
Дејвид Бекам верува дека Карло Анчелоти може да го врати трофејот од Премиер лигата на Стемфорд Бриџ.
Челзи не се радуваа на титулата во Премиер лигата од 2006та кога со Мурињо ја одбранија титулата.Од тогаш Сините сменија неколку тренери но никој не успеа да го повтори успехот.Дејвид Бекам смета дека Карло Анчелоти е вистинскиот тренер кој може да им го врати трофејот на Сините.”Челзи се среќни бидејќи Карло е одличен човек и одличен менаџер” – изјави Бекам за News of the World.”Тој дефинитивно може да го направи Челзи повторно шампион. Нема сомневање за тоа. Јас го кажувам ова и покрај тоа што сите знаат дека Манчестер Јунајтед е во моето срце”.”Да, ќе биде тешко, бидејќи Премиер лигата е тотално поразлична од Сеија А, но тој има големо искуство и јас сум уверен дека ќе има добар успех во Англија”.”Му посакувам многу среќа, тој го заслужува тоа”.”Фудбалерите можат да очекуваат дека ќе работат со врвен професионалец. Тој работи многу напорно, организирано и посветено”.”Карло ќе биде првиот кој ќе доаѓа на тренинзите и последниот кој ќе ги напушта бидејќи тој сака да работи со неговите играчи”.”Тоа е негова пасија, нема да можете да го најдете како седи во канцеларија а тренирањето да му го препушти на некој друг”.”Таков беше во Милан, сигурен сум дека таков ќе биде и во Челзи”.”Тој е сериозен во својата работа и фудбалот, но исто така сака да се шали додека работи. Многу е релаксиран, спуштен на земја и сака да се шегува. Тој е многу достапен” – заврши Дејвид Бекам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вилбекин трагичар, Монако избори мајсторка
Кошаркарите на Монако го совладаа Фенербахче на гости со 65:62 во четвртиот натпревар од четвртфиналната серија на плеј-офот во Евролигата и се изборија за мајсторка.
Да потсетиме, само Реал Мадрид досега се пласираше на завршниот турнир во Берлин, додека петтиот натпревар ќе го даде победникот и во сериите меѓу Барселона и Олимпијакос, односно Панатинаикос и Макаби.
Исклучително возбудлив натпревар, во кој доминираа одбраните одиграа фенер и Монако.
На крајот Монако победи со многу среќа. Малку фалеше Мајк Џејмс наместо еден од хероите на победата на Монако да биде трагичар. Американецот постигна тројка на 51 секунда до крајот, на гостите 61:57.
Во меѓувреме погодија Вилбекин и Хол, а потоа Марко Гудуриќ со својата тројка ги доведе возбудувањата до точка на вриење. Фенер на 18 секунди до крајот се доближи на 62:63.
Следуваше кулминација на истанбулската драма, Џејмс во предвидените пет секунди не успеа да ја уфрли топката во игра, па Фенер имаше речиси цел напад да ја обезбеди победата,
Вилбекин ја презеде одговорноста, имаше многу време да размисли како ќе ја нападне одбраната на Монако, се обиде да заврши со флотер и промаши.
Топката му припадна на Монако, а Хол со забивање стави точка на натпреварот.
Кај Фенербахче најефикасен беше Марко Гудуриќ со 14 поени (3/3 за три).
Ели Окобо ги предводеше гостите со 13 поени, додека Мотијеунас и Џејмс мечот го завршија со по десет поени.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.