Свет
Почина Папата Јован Павле Втори
Поглаварот на Римокатоличката црква Папата Јован Павле Втори почина во сабота во 21 часот и 37 минути во своите одаи во Ватикан.
Поглаварот на Римокатоличката црква Папата Јован Павле Втори почина во сабота во 21 часот и 37 минути во своите одаи во Ватикан. Папата Јован Павле Втори (84), веќе извесно време боледуваше од Паркинсонова болест, а состојбата му се влоши во текот на изминатиот месец по респираторните проблеми и воспалението на уринарниот тракт. Веста за смртта на Папата пред повеќе од 50 илјади верници собрани на Плоштадот Свети Петар во Ватикан ја соопшти кардиналот Камило Руини. Десетици илјади верници, кои во Ватикан се молеа за Папата со солзи ја примија веста за неговата смрт. Ватикан е во деветдневна жалост, а погребот на Папата треба да биде извршен меѓу четвртиот и деветиот ден по смртта, во Базиликата свети Петар во Рим, доколку тој не назначил поинаку во својот тестамент. По смртта на папата црквата ја презеде кардиналот Камерленго Едуардо Мартинез Сомало, кој треба да ја подготви Конклавата на која ќе биде избран новиот папа. Конклавата треба да се состане по 15 до 20 денови. Во Ватикан треба да дојдат 117 кардинали кои имаат право да учествуваат во изборот на нов поглавар на Римокатоличката црква. Изборот на новиот папа, кој треба да добие две третини плус еден глас од учесниците на Конклавата, се соопштува со бел чад од Сикстинската капела./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нема струја, водата носи мостови, расте бројот на исчезнати во Швајцарија (ВИДЕО)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.