Економија
Украина го засилува спорот околу гасот со Русија

Украина денеска ги подигна влоговите во спорот со Русија околу цената на гасот, со објавата дека ќе ја затвори компанијата „Нафтогаз“ и ќе ги поништи сите нејзини договори со Москва.
Украина денеска ги подигна влоговите во спорот со Русија околу цената на гасот, со објавата дека ќе ја затвори компанијата „Нафтогаз“ и ќе ги поништи сите нејзини договори со Москва.
Украинскиот претседател Виктор Јанукович му дал инструкции на премиерот Микола Азаров да подготви планови за реорганизација на националната енергетска компанија „Нафтогаз“ најдоцна до 1-ви октомври.
„„Нафтогаз“ ќе престане да постои. Ќе има период на ликвидација. Кога ќе поминат сите формалности, на пазарот ќе функционираат целосно нови компании. Затоа, постоечките договори ќе бидат ревидирани“, изјави Азаров.
Оваа изјава предизвика брз одговор од претседателот на рускиот гасен гигант „Газпром“, Алексеј Милер, кој ја даде од збор до збор истата изјава како и Азаров, со разлика во тоа што ја започна со „секако дека „Газпром“ и „Нафтогаз“ ќе се спојат“, изјава која официјален Киев веднаш ја негираше.
„Никогаш не станало збор за спојување, туку за реконструкција на националната енергетска компанија“, е кусиот одговор на официјален Киев.
Русија подолго време бара спојување на двете компании и ја уценува Украина со високи цени на гасот ако не го стори тоа. Киев, пак, одбива да се откаже од својата енергетска компанија, стравувајќи дека така ќе си го загрози суверенитетот.
Последниот предлог на Русија беше Киев да ги задржи производните капацитети на „Нафтогаз“ за да си го заштити сувереитетот, а на Русија да и го продаде транспортниот систем кој таа го користи за пренос на гасот до европскиот пазар. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Мицкоски: Имаме раст на извозот, градежништвото и туризмот гарантираат раст на БДП и подобар стандард на граѓаните

Во одговор на новинарско прашање, претседателот на ВМРО-ДПМНЕ, Христијан Мицкоски, истакна дека увозот е многу помал за околу 8% во евра, или за 12-13% во долари, додека пак извозот е во пораст во евра 23%, додека пак во долари е 28%.
„Ако ги споредите првите два месеци април и мај од оваа година, со првите два месеци април и мај од 2024 година, длабоки анализи правиме, ќе видите дека за 80 милиони долари е намален трговскиот дефицит, а тоа е цели 13% и тоа ќе учествува во БДП. Ако на тоа се додаде растот на индустриското производство коешто е во просек за април и мај, првите два месеци од вториот квартал 5,5%, а само во мај 9,4%’’, истакна Мицкоски.
Мицкоски додаде дека растот на туризмот и градежништвото, ќе доведат до зголемување на животниот стандард на граѓаните, но и зголемување на бруто домашниот производ.
„Растот на туризмот повеќе од 20%, инвестициската активност повеќе од 15%, растот и бумот во градежниот сектор, сето тоа нас ни гарантира еден успешен резултат за БДП во вториот квартал којшто очекувам да продолжи и во третиот и четвртиот квартал’’, заклучи Мицкоски.
Економија
Македонската „Green Machines“ ја зацврстува дистрибутивната мрежа во САД

Green Machines на БРАКО, познат по своите иновативни еколошки возила за чистење на јавни површини, бележи сериозен раст на американскиот пазар со мрежа на реномирани дистрибутери низ повеќе од 30 американски сојузни држави.
Најнов партнер е компанијата Mar-co Equipment од регионот на Лос Анџелес, која стана ексклузивен дистрибутер за Јужна Калифорнија.
Моментално, Green Machines има дистрибутери во следниве американски држави:
Owen Equipment – Вашингтон, Орегон, Северна Калифорнија, Невада, Ајдахо, Монтана, Јута, Колорадо, Ново Мексико
Industrial Disposal Supply – Тексас
Mar-co Equipment – Јужна Калифорнија
United Rentals – достапен низ сите држави и територии на САД
Grainger – достапен низ целата територија на САД
Equipment Depot – Луизијана, Мисисипи, Кентаки, Индијана, Охајо, Пенсилванија, Масачусетс, Конектикат, Њу Џерси, Мејн, Вирџинија, Милвоки, Висконсин, Флорида, Орегон, Вашингтон
Van Keppel – Канзас, Арканзас, Илиноис, Висконсин, Ајова
Овој успех претставува уште еден доказ за конкурентноста на македонскиот индустриски производ и неговата технолошка супериорност. Со новите дистрибутерски партнери, Green Machines продолжува да ја шири својата глобална визија за почисти, поеколошки и поефикасни урбани средини.
ПР текст
Економија
Муцунски: Владините политики за извоз даваат резултати – раст од 23,44 отсто во мај

Министерот за надворешни работи и надворешна трговија, Тимчо Муцунски, утрово на социјалните мрежи сподели податоци за кои рече дека го потврдуваат ефектот од економските политики на Владата, при чија реализација значајна улога има и Министерството што го предводи. Статистиката покажува стабилни и позитивни трендови во извозот, дури и во услови на стагнација на европскиот пазар.
Според објавените податоци, македонскиот извоз во мај 2025 бележи раст од 23,44 проценти, додека за првите пет месеци од годината порастот изнесува 3,15 отсто. Во истиот период, увозот е зголемен за само 1 отсто, што упатува на стабилен трговски биланс и позитивно салдо.
„Податоците укажуваат на значително поголем извоз од увоз – што значи повеќе свеж капитал во државата, зајакната девизна позиција и дополнителен поттик за економски раст. Зголемениот извоз отвора нови работни места, го зајакнува домашното производство и ја зголемува конкурентноста на македонските производи“, напиша министерот Муцунски.