Европа
Сквернавени стоици надгробни споменици на еврејски гробишта во Франција
Засега неидентификувани вандали осквернавиле стотици надгробни споменици на еврејските гробишта во градот Сар-Инон во Алзас на истокот од Франција, објави во неделата министерот за внатрешни работи Бернар Казанев, а претседателот Франсоа Оланд вети дека виновниците ќе бидат пронајдени и изведени пред лицето на правдата.
Ова не е првпат ова еврејските гробишта во Сар-Инион да биде цел на вандалски напад, во 1988 година биле превртени шеесетина еврејски надгробни споменици, а во 2011 година беа уништени 54 гробови.
„Државата нема да ја заплаши оваа нова рана, којашто оди против сите вредности на францускиот народ“, изјави министерот за внатрешни работи Бернар Казанев.
„Тоа едноставно е незамисливо. Длабоко сум шокиран од она што се случи“, изјави градоначалникот на Сар-Инон, Марк Сене. Додаде дека „сквернавени се најмалку половината“ од околу 400 гробови на локалните еврејски гробишта.
Елисејската палата издаде соопштение во коешто се истакнува дека претседателот Франсоа Оланд остро го осудува вандалскиот чин на еврејските гробишта во источниот дел од земјата и вети дека ќе биде сторено се’ што е потребно злосторниците да бидат идентификувани и казнети.
„Претседателот на Републиката го осудува сквернавењето на еврејските гробишта во Сар-Инон во департмантот Долна Рајна. Во најкус рок ќе биде сторено неопходното за да се виновниците за овој одвратен и варварски чин да бидеа изведени пред лицето на правдата“, се вели во соопштението од кабинетот на Оланд што го цитира AFP.
Ова не е прв напад врз еврејски гробишта во Франција изминатите неколку години, а по нападот од 9-ти јануари во Париз врз еврејскиот супермаркет за кошер храна кога беа убиени четири лица, како и пред еврејското училиште во францускиот град Тулуз кога исламистички терорист во 2012 година уби три деца и наставник, и по саботното убиство пред синагогата во данската престолнина Копенхаген и кога ланскиот мај во нападот на Еврејскиот музеј во Брисел беа убиени четири Евреи, во неделата израелскиот премиер Бенјамин Нетанјаху го повтори својот повик до европските Евреи дека Израел е подготвен да ги прими.
Обраќајќи им се на европските Евреи, израелскиот премиер во соопштението порача „Израел е вашиот дом. Подготвени сме да примиме масовна миграција од Европа. На сите Евреи во Европа им велам: Израел ве чека со раширени раце“. „Повторно тероризмот на екстремниот ислам удри на Европа. Повторно е убиен Евреин, бидејќи е Евреин, а тој вид напади ќе се повторува“, предупреди израелскиот премиер. Нетанјаху во писмената изјава уште рече дека неговата влада ќе усвои план со којшто ќе ги охрабрува еврејските имигранти од Франција, Белгија и Украина, каде што се значителни еврејските заедници, да имигрираат во Израел.
Првиот отворен повик на премиерот Нетанјаху веднаш по париските напади до француските Евреи да се преселат во Израел предизвика непријатност кај француските челници. Премиерот Мануел Валс реагираше дека заедницата од 550 илјади француски Евреи е цврста и сигурна и е интегрален дел од Француската Република.
Во Франција живеат најголемата муслиманска заедница и најголемата еврејска заедница во Европа. Меѓутоа, почнувајќи од 2009 година, речиси по три илјади Евреи годишно емигрираат од Франција во Израел. Се проценува дека од основањето на Државата Израел во 1948 година, досега таму се преселиле повеќе од 100 илјади француски Евреи. Меѓутоа, овој тренд особено зема замав последните години и поради зголемувањето на инцидентите во кои се истакнува нетрпеливоста кон еврејската заедница./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Пристигна првата реакција на Русија на планот за победа на Зеленски
Русија го отфрли планот за победа на украинскиот претседател Володимир Зеленски и рече дека планот нема никаква врска со потрагата по дипломатско или политичко решение за ставање крај на војната и го опиша како себичен гамбит на Зеленски.
Зеленски рече дека неговиот план, чии детали допрва треба да се откриваат, е финализиран по долги консултации. Тој треба да му го претстави на американскиот претседател Џо Бајден и да се обрати на состанокот на Советот за безбедност на Обединетите нации во вторник. Зеленски рече дека неговата иницијатива е дизајнирана да создаде прифатливи услови за Украина, која е во конфликт со Русија повеќе од две и пол години.
Портпаролката на руското Министерство за надворешни работи, Марија Захарова, им изјави на новинарите дека планот изгледа како себичен гамбит на украинскиот лидер кого Москва го обвинува дека се обидува да го вовлече Западот во вистинска војна против Русија.
„Единствената цел е да се спречи распадот на антируската коалиција и тоа, се разбира, нема никаква врска со задачата да се најде политичко и дипломатско решение за ситуацијата во врска со Украина“, рече Захарова.
Таа го повтори ставот на Москва дека Западот треба да престане да го финансира и снабдува Киев со оружје и рече дека секоја иницијатива со наводна цел да се постигне мирно решение е бесмислена ако не ја вклучува Русија. Истовремено, таа рече дека Москва е загрижена за, како што наведува, зголемените провокативни активности на НАТО на границата со Белорусија и додаде дека не исклучува обиди за ескалација на конфликтот во регионот.
Москва, исто така, во петокот го повика Западот за притисок врз Кина поради Тајван, велејќи дека неговите „провокативни“ активности ја поткопуваат регионалната стабилност и меѓународната безбедност. Захарова истакна дека Русија ги поддржува потезите на Кина насочени кон одбрана на нејзиниот суверенитет.
Кинеското Министерство за одбрана во петокот соопшти дека продажбата на американско оружје на Тајван сериозно го прекршува принципот една Кина и одредбите од заедничката официјална комуникација меѓу Кина и САД. Кина во средата објави дека ќе преземе мерки против девет компании поврзани со американската војска за продажба на американско оружје на Тајван.
Европа
Жената што го пријави Французинот во полиција по што се откри грозоморното малтретирање на неговата сопруга: Се однесуваше бедно
Жената по име Наталија е заслужна што Доминик Пелико, кој ја дрогирал сопругата и довел непознати мажи да ја силуваат додека тој снимал сè, се наоѓа пред суд.
Пелико беше уапсен во септември 2020 година во супермаркет во Карпентрас кога снимал жени под нивните здолништа. Пелико тогаш снимал и под здолништето на Наталија.
Во сведочењето за БФМТВ, Наталија рече дека е среќа што го пријавиле.
Наталија сега се присети на 12 септември 2020 година, кога сè се промени во нејзиниот живот, но и во животот на Жизел Пелико, сопругата на Доминик, која со децении трпела малтретирање, без воопшто да биде свесна за тоа.
Тој ден Доминик снимил три жени, а кога ја свртел камерата кон Наталија, пришол чувар и ѝ кажал што видел: „Тој снимаше под вашиот фустан, сакате да го пријавите?“ Тогаш Доминик Пелико беше приведен, му беше одземена компјутерската опрема и потоа беше откриен случајот со грозоморното малтретирање на неговата сопруга Жизел, кое го шокира светот.
„Го фрлив фустанот што го носев тој ден“, изјави Наталија.
Таа се присети на сите детали од тој ден во супермаркетот.
„Се однесуваше како мал бедник, како да сакаше да каже ‘ама ништо не направив’. Мислам дека сè уште имаше став на жртва“, рече Наталија.
Кога подоцна дознала за степенот на аферата, била шокирана.
„Барем две години, ако не и повеќе, не одев на шопинг во фустан. А фустанот што го носев тој ден го фрлив“, изјави Наталија.
Делумно благодарение на жалбата на Наталија, која отиде во полициска станица, Доминик завршил на суд поради злоупотреба на неговата сопруга Жизел. Наталија, барем до сега, никогаш не ја запознала Жизел Пелико. Сепак, таа навестува дека можеби ќе оди на сослушувањето за да ја поддржи.
Европа
(Видео) Кадиров објави снимка: „Испраќам два вооружени сајбер-камиона во војна во Украина“
Чеченскиот лидер Рамзан Кадиров објави ново видео на социјалните мрежи за кое тврди дека прикажува два сајбер-камиона „тесла“ за кои вели дека ги испратил во зоната на специјалната воена операција. Официјален Кремљ така ја нарекува војната во Украина, што ја почна рускиот претседател Владимир Путин пред две и пол години.
Претходно, на социјалните мрежи се пожали дека Илон Маск од далечина оневозможил едно од неговите возила. Кадиров рече дека далечинското исклучување не влијаело на другите два камиона и дека тие работат нормално.
Kadyrov said he had sent “two more” Cybertruck “to the special military operation zone.” Earlier, he complained that Elon Musk had “remotely disabled one vehicle.”
Kadyrov said that the “remote shutdown did not affect” the other two pickup trucks and that they were “operating… https://t.co/g1eUciaEqA pic.twitter.com/85SizuUxwH
— Anton Gerashchenko (@Gerashchenko_en) September 20, 2024
Двата сајбер-камиона прикажани на видеото се опремени со митралези, како и возилото што Кадиров го покажа во август.