Македонија
Осумдневен притвор за Хисен Муслиу
Истражен судија му одреди осумдневен притвор на поранешниот началник на Управата за безбедност и контраразузнавање, Хисен Муслиу, соопштуваат од Основниот суд 1.
По дваесет и четиричасовниот распит во полициска станица во Скопје, Муслиу беше предаден на истражен судија, каде распитот вчера траел до 23 часот.
Полицијата во понеделникот навечер го уапси Муслиу во неговиот дом во Тетово во рамки на акцијата „Фалсификатор“. Министерството за внатрешни работи го уапси Муслиу под сомнение дека бил вмешан во досиејата за соработка со српските тајни служби, кои беа доставени до Комисијата за лустрација и беа прогласени за фалсификат.
При претресот во неговиот дом, полицијата пронашла два компјутера, две УСБ мемориски картички, мобилни телефони и две уплатници на кои преку „Вестер унион“ биле исплатени 4,5 илјади евра на име Божидар Спасиќ, поранешен шеф на УДБА.
ДУИ негира било каква поврзаност со апсењето на Муслиу, а од ДПА тврдат дека со акцијата МВР сака да ја креира политичката судбина на Албанците, ставајќи се во целосна заштита на Ахмети и побараа ослободување на Муслиу.
Минатиот месец пратеникот на ДУИ, Талат Џафери, јавно го обвини Муслиу дека тој е автор на досиејата „Ибар“, „Мама“, „Вујко“ и „Стрелец“, кои се однесуваат на високи функционери на ДУИ.
Непознати лица, вчера до Комисијата за лустрација доставија уште едно досие кое се однесува на високото раководство на ДУИ, овој пат од германската тајна служба./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари: Ветувам дека кога ќе ја формираме Владата ќе трчаме уште посилно отколку во кампањата
„Со верба ветувам дека јас и сите челници на ВЛЕН кога ќе ја формираме Владата ќе трчаме уште посилно отколку во кампањата“, ова беше првото јавно ветување што Арбен Таравари го даде на големиот митинг во Тетово, додавајќи дека по 8ми мај нема да им биде удобно во кожните фотелји, туку ќе работат уште повеќе за сите.
Таравари нагласи дека иако имал многу понуди од Али Ахмети, тој избрал да биде со народот.
„Не сакам да се задржам многу. Оваа кампања беше незаборавно искуство за мене! Најдов пријатели и тим како ВЛЕН, видов и предавство од некои, кај кои како и кај секој предавник останува само сенка, но во повеќето најдов многу верба и храброст! Имав многу понуди од Али Ахмети, понуди на кои некои мои сопартијци не можеа да одолеат… но јас избрав да бидам ти. Горд сум што го направив овој избор и нека ни е Среќна Победата!“ – истакна Таравари.
Убеден во победата, Таравари рече дека Историската промена ќе остане запаметена како Револуција на светлата.
„Сега сè започна со некои светла од мобилни телефони, кои се палеа дури и кога режимот викаше дека ги гаси светилките на народот… овие светилки се спротивставија… се зголемија и денес тие се светлината на слободата што ја дигнаа земјата на нозе! Сега ги поканувам моите колеги од ВЛЕН на сцената и сакам сите да се фотографираат со вашите светла и да знаат сите дека оваа Историска промена ќе биде запаметена како Револуција на светлата. Господ да ве благослови!” рече Таравари во своите завршни зборови пред илјадници граѓани во Тетово.
Македонија
Ковачевски: Демократијата е како кислород – кога е тука, не ја забележуваме, кога ќе ја снема, се чувствуваме задушено
Да не си играме со нашите демократски вредности и да осигураме силен СДСМ во Собранието за да може да бидеме чувари на демократските институции. Да осигураме дека нема да ја вратиме државата во „дивите“ времиња на ВМРО ДПМНЕ и Груевски“, порача лидерот на СДСМ, Димитар Ковачевски од завршниот митинг во Скопје.
„ Демократијата е како кислород. Кога е тука, не ја забележуваме. Кога ќе ја снема, почнуваме да се чувствуваме задушено. Кога нема демократија, настапува смрт. Смрт за слободни медиуми, за слободна мисла, за слобода на изразување за слобода на протест. Едноставно шепотите седите дома, се криете и немате каде да го кажете вашето мислење. Да не си играме со нашите демократски вредности и да осигураме силен СДСМ во Собранието за да може да бидеме чувари на демократските институции. Да осигураме дека нема да ја вратиме државата во „дивите“ времиња на ВМРО – ДПМНЕ и Груевски“, рече Ковачевски.
Лидерот на СДСМ потенцираше дека мора да продолжиме да се бориме и да ја менуваме Македонија ако сакаме да направиме европска држава со ред и поредок, повисок стандард, високо ниво на безбедност и стабилност.
„Затоа и ја креиравме нашата Програма за европска иднина. За повисоки плати и пензии! За поголема поддршка за младите, за студентите, учениците, за ранливите. За поголема поддршка за стопанството и земјоделството. За енергетски независна држава. За конечна и одлучна борба против криминалот и корупцијта. За подобро образование и здравство. За повеќе и подобро за сите!“
Ковачевски ги повика граѓаните на изборите в среда да гласаат совесно и одговорно и да ги поддржат пратеничките листи на СДСМ и Коалицијата за европска иднина и претседателскиот кандидат Стево Пендаровски како единствена опција која има сила и знаење да ја внесе државата во Европската Унија.
Македонија
Николоски: Ветувавме дека нема да има уставни измени под бугарски диктат и немаше, сега ќе нема влада со ДУИ
Изборот е дали Македонија ќе ја градиме како што ја сонуваа нашите предци или Македонија ќе ја уништуваат СДСМ и ДУИ. Изборот е дали ќе имаме нормална држава или држава која тоне во криминал и корупција. Овие шест и пол години како раководство на ВМРО-ДПМНЕ предводени од претседателот Христијан Мицкоски секојдневно се боревме со криминалната власт, не имаше секогаш кога е потребно на македонските улици, плоштади да се спротивставиме на предавствата, криминалот и корупцијата и 8 мај е денот кој го чекавме со години. Затоа 8 мај е круна на нашата борба, 8 мај е денот на победата, денот на кој нашата генерација добива шанса Македонија да ја направи пристојно место за живеење, истакна носителот на Изборна единица 4 од ВМРО-ДПМНЕ Александар Николоски на завршниот митинг на ВМРО-ДПМНЕ во Прилеп.
„На 8 мај одлучуваме каде оди Македонија и затоа ни е потребна масовна референдумска излезност, а после тоа она што го ветуваме ќе го оствариме затоа што ние сме многу сериозни во нашите ветувања. Кога рековме не за промена на Уставот под бугарски диктат ние бевме сериозни во тоа и го направивме тоа, кога рековме битка со организираниот криминал и корупција ние бевме сериозни и не потклекнавме под ниедна уцена и закана, кога рековме ќе ја чуваме македонската национална гордост ние го направивме тоа, кога рековме градоначалниците на ВМРО-ДПМНЕ ќе работат без скандали го рековме и го направивме тоа и затоа кога велиме влада без ДУИ ние го мислиме тоа и ќе го направиме тоа, ќе одат во опозиција и ќе одговараат“, посочи Николоски.
Тој кажа дека овие избори се и „за слобода на уставобранителите“.
„Овие избори се и за слобода на уставобранителите и за правда на онеправданите. Овие избори се за над 3.000 семејства пред се членови на ВМРО-ДПМНЕ кои беа жртва на политички прогон во изминативе шест и пол години. Овие избори се за правда, економски напредок за едно ново утре за сите вас, за сите нас“, додаде Николоски.