Македонија
Македонците и натаму со позитивен став за Европската Унија
Македонските граѓани имаат позитивен став кон евентуалното идно членство на земјава во Европската Унија покажуваат резултатите од последното истражување на Евробарометар.
Македонските граѓани имаат позитивен став кон евентуалното идно членство на земјава во Европската Унија покажуваат резултатите од последното истражување на Евробарометар. Истражувањето го потврди позитивниот став јавноста го има во однос на членството во ЕУ. Околу 66 отсто од испитаниците сметаат дека членството во Унијата е добра работа, што претставува благ пораст во однос на пролетта 2009 за два отсто. Пораст се забележува и кај бројот на граѓаните што очекуваат придобивки од зачленувањето во Европската Унија. Со дури 76 отсто граѓани што очекуваат придобивки, Македонија има значително поголем процент во однос со останатите две земји-кандидати за членство, Турција и Хрватска. Пораст од 59 на 65 отсто е забележан во бројот на граѓани кои имаат позитивни чувства кон ЕУ. Слободата на патување, студирање и работа насекаде во Европа останува позитивен аспект кој испитаниците во земјава најчесто го поврзуваат со ЕУ. Големо мнозинство од анкетираните и во земјава и во ЕУ ги издвојуваат солидарноста и безбедноста како најважни општествени вредности на Унијата. Мнозинството граѓани и натаму ја сметаат невработеноста за главен проблем во земјата, иако нивниот број во меѓувреме опаднал од 68% на 64%. Расте бројот на испитаниците, од 25 на 46 отсто кои сметаат дека последиците на светската економска криза врз пазарот на трудот го достигнале својот максимум, но речиси ист процент на анкетирани, 47 отсто, сé уште сметаат дека најлошото допрва доаѓа. Во согласност со трендот забележан во сите земји опфатени со истражувањето, довербата на јавноста во националните институции дополнително се намалила, со исклучок на локалните и регионалните власти, во кои довербата се зголемила. Значаен дел од испитаниците и во земјава (58 отсто) и во ЕУ (61 отсто) сметаат дека нивните држави се мешаат во нивните животи. Сличности меѓу домашната јавност и онаа во ЕУ има и во однос на ставот дека од глобализацијата профитираат само големите компании, но не и граѓаните. Него го делат 62 отсто од граѓаните во земјава и 63 отсто во Унијата. Речиси идентични проценти на анкетирани и во земјава и во ЕУ веруваат дека воспоставувањето социјална еднаквост и солидарност е најважната мерка што општеството треба да ја преземе за да ги ублажи последиците од глобализацијата. Истражувањето на јавното мислење Стандард Евробарометар се спроведува двапати годишно. Седумдесет и вториот Евробарометар е спроведен во 27-те држави-членки на Европската Унија и во трите земји-кандидатки – Македонија, Хрватска и Турција, во периодот од 23 октомври до 18 ноември 2009. Анкетата е спроведена на вкупно 30.238 испитаници. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.