Свет
Песков: Путин е известен за одлуката на Крим да пристапи кон Русија
Рускиот претседател, Владимир Путин, е известен за одлуката донесена во четвртокот од страна на Врховниот совет на Крим за пристапување на земјата кон составот на Руската Федерација“, истакнал прес секретарот на Путин, Дмитриј Песков, пренесува „Итартас“.
„Оваа вест штотуку стигна и претседателот веднаш беше известен за тоа”, рекол Песков за „Итартас”, наведувајќи дека во овој момент нема друго што да се додаде.
„Итартас” потсетува дека во четвртокот Врховниот совет на Крим донел начелна одлука за пристапување на оваа автономна република како субјект во составот на Русија и дека владата во Крим соопштила дека за статусот на Крим ќе решава преку референдум кој ќе се одржи на 16 март и на кој ќе биде поставено прашањето за пристапување на Крим кон Русија.
На референдумот, како што пренесуваат руските агенции, ќе бидат поставени две прашања: „Дали сте за влез на Крим како субјект на Федерација во составот на Руската Федерација” и „Дали сте за обновување на уставот на Крим од 1992 година”.
Советот исто така одлучил да му се обрати на руското раководство по однос на почетокот на процедурата за влез на Крим во составот на Русија.
„Итартас” известува дека ваквата одлуката на плоштадот во Симферопол била дочекана со овации.
На плоштадот, според извештаите на оваа агенција, се собрале неколку илјади луѓе кои во рацете носеле руски знамиња и знамиња на Крим.
Агенцијата ја пренесе и изјавата на лидерот на „Праведна Русија”, Сергеј Миронов дека предлог законот за поедноставената постапка за прием во составот на Русија на делови од странски држави би можел да биде усвоен уште идната седмица.
„Отворено кажувам, тој предлог закон го поднесов поради Крим”, рекол авторот на овој предлог.
Во октомври 1921 година формирана е Кримската Автономна Советска Социјалистичка Република во составот на Руската советска федеративна социјалистичка република, а на 19 февруари 1954 година Кримската област по иницијатива на генералниот секретар на Комунистичката партија, Никита Хрушчов, оваа област и е предадена на Украинската Советска Социјалистичка Република.
На Крим на 20 јануари 1991 година одржан е референдум за обновување на Кримската Автономна Советска Социјалистичка Република како одвоен субјект од поранешниот Советски Сојуз, на кој учествувале 1,4 милиони граѓани или 81,37 отсто од избирачкото тело.
За обновување на автономната република гласале 93,26 отсто од избирачите.
Врховниот совет на Украина на 12 февруари истата година усвои Закон за обновување на Кримската Автономна Советска Социјалистичка Република, а во јуни се вметнати соодветни амандмани во уставот на Украинската Советска Социјалистичка Република.
Врховниот совет на Крим на 4 септември 1991 година ја усвои Декларацијата за државен суверенитет на републиката.
Наредната година на 26 февруари државата беше преименувана во Република Крим, а во мај истата година воведена е функцијата претседател на државата.
Во март 1995 година со одлука на Украинскиот парламент и претседателот на Украина донесоа одлука за укинување на Уставот на Крим и функцијата претседател.
Во декември 1998 година на сила стапи новиот Устав на Крим со ново име АР Крим во составот на Украина.
Според статистичките податоци од декември минатата година, Крим има 1.958.000 жители, меѓу кои 58.5 отсто Руси, 24,3 отсто Украинци и 12,1 отсто Кримски Татари./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Германска компанија лансираше ракета напојувана со цврсто парафинско гориво
Германската компанија HyImpulse денеска успешно лансираше ракета, напојувана со цврсто парафинско гориво, која ќе може да носи комерцијални сателити.
„Ја покажуваме силата на Германија како вселенска нација и го прошируваме пристапот на Европа до вселената“, рече шефот на компанијата Марио Кобалд.
We will be attempting to launch the SR75-1 ‘Light this Candle!’ mission from the Koonibba Test Range tomorrow Friday 3 May from 1430 (ACST)!
To view the launch travel to the Koonibba township.
The launch is subject to weather and may be delayed or scrubbed on the day. pic.twitter.com/xJiOopzK9n— Southern Launch (@SouthernLaunch) May 2, 2024
Дванаесет метри долга и 2,5 тони тешка ракета наречена SR75 беше лансирана околу 5 часот по европско време од Куниба, Австралија.
Може да носи помали сателити со тежина до 250 килограми до височина до 250 километри, а може да работи на цврсто парафинско гориво или течен кислород
At 2.40pm ACST @HyImpulseTech successfully launched their SR75 rocket from @SouthernLaunch‘s Koonibba Test Range. 🚀
The mission was the inaugural launch attempt of the SR75 rocket, & the first high power rocket permit to be issued under 🇦🇺 Australian law. pic.twitter.com/pmM6t3Uj0v
— Australian Space Agency (@AusSpaceAgency) May 3, 2024
Парафинското гориво се користи како поевтино и побезбедно алтернативно ракетно гориво. HyImpulse тврди дека заштеди до 50 проценти.
Германската компанија со околу 65 вработени објави дека веќе добила преднарачки за лансирање сателити во вредност од над 100 милиони евра.
HyImpulse сака да го прошири својот бизнис бидејќи расте побарувачката за транспорт на комерцијални сателити, па до 2032 година сака да оствари приходи од 700 милиони евра.
Свет
(Видео) Кина лансираше сонда на помалку истражената страна на Месечината
Кина денеска лансираше лунарна сонда на далечната страна на Месечината за да собере примероци кои би можеле да обезбедат увид во геолошките и другите разлики помеѓу далечната, помалку истражената и поблиската страна на Месечината.
Месечевата сонда Чанг’е го добила името по кинеската митска божица на Месечината. Ја носи ракета Long March-5 IB која беше лансирана од центарот Венчанг во јужната провинција Хаинан, соопшти кинеската Национална вселенска администрација.
Откако ќе орбитира околу Месечината за да ја намали брзината, лендерот ќе се одвои од леталото и ќе започне да собира примероци веднаш штом ќе се спушти на површината на Месечината пред да се врати на Земјата.
Мисијата ќе трае 53 дена.
Европа
Орбан: Унгарија ќе ги зголеми трошоците за одбрана доколку војната во Украина продолжи
Унгарија ќе мора да ги зголеми трошоците за одбрана и следната година доколку војната во Украина продолжи до 2025 година, со што ќе се намали износот на расположливите средства за други трошоци, изјави денеска унгарскиот премиер Виктор Орбан.
Орбан изјави за државното радио дека доколку војната во Украина се пролонгира до 2025 година, нивоата на средства за одбрана на Унгарија за 2023 и 2024 година нема да бидат доволни и ќе мора да се зголемат, пренесува агенцијата МТИ. Орбан изјави дека е загрижен за иднината на Европа и дека унгарската влада нема да дозволи Унгарија да биде принудена да влезе во војна по трет пат, откако учествуваше во Првата и Втората светска војна.
Премиерот на Унгарија смета дека е потребно европско безбедносно решение во кое ќе биде вклучена Русија и дека американската воена индустрија најмногу профитирала од војната во Украина, откако САД испратија најголема воена помош во Киев.
„Нашето историско искуство со војната е дека можете само да изгубите. Колку сте поблиску до воената зона, толку е поголема цената што ја плаќате“, рече Орбан.
Унгарија значително ги зголеми одбранбените распределби минатата година на 2,43 отсто од БДП, што е над два отсто на кои се обврзаа членките на НАТО, наведува МТИ.