Свет
Средба меѓу Кери и Лавров во Париз
Државниот секретар на САД, Џон Кери, и рускиот министер за надворешни работи, Сергеј Лавров, во среда треба да остварат средба во Париз во моменти кога Вашингтон го зголемува притисокот врз Москва, обвинувајќи ја Русија дека бара оправдување за инвазијата врз Украина.
Предвидено е средбата да се случи за време на меѓународната конференција за Либан, која ќе се одржува во Елисејската палата.
„Ќе има состанок посветен на Украина”, потврдиле извори блиски на францускиот претседател, Франсоа Оланд, пишува Бета.
Тема на разговор, меѓудругото, ќе биде и идејата на германската канцеларка Ангела Меркел за основање на меѓународни контакт групи за Украина.
Претходно предвиден е состанок на Џон Кери со неговиот колега од Британија, Вилијам Хејг, како и вршителот на должноста министер за надворешни работи за Украина, Андриј Дешицј, кој во последен момент бил повикан во Париз, наведува „Франс прес”.
Кери во вторникот за време на посетата на Киев го заостри својот тон и критиките кон рускиот претседател Владимир Путин.
„Мислам дека е јасно оти Русија прави сè што е можно за да најде оправдување со цел да изврши инвазија врз Украина”, рекол американскиот државен секретар на конференцијата за новинари во Киев.
Во исто време, претседателот на САД, Барак Обама, под знак прашање ги стави добрите намери на Путин, додавајќи дека изјавите на рускиот претседател „никого не можат да измамат”./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.
Свет
Израел е подготвен да прифати ослободување на помалку од 40 заложници, пишуваат медиуми
Израел е подготвен да го ублажи барањето од Хамас и да ослободи 40 заложници во замена за привремен прекин на огнот во Појасот Газа, откако палестинската милитантна група ја одби понудата подготвена од преговарачите од Катар, Египет и САД, пишува The Times of Israel повикувајќи се на израелски портали.
Воениот кабинет на Израел сега е подготвен да прифати ослободување на само 20 заложници во првата фаза од договорот под услов жените, мажите над 50 години и тешко болните да бидат ослободени, а кабинетот во четвртокот го овласти преговарачкиот тим на Израел да разговара за повеќе флексибилен пристап со египетската делегација, која денеска во Тел Авив ќе има дополнителни разговори, објави израелската веб-страница Инет.
Неименуван висок израелски функционер подоцна изјави за веб-страницата дека Израел всушност се согласил да ослободи 33 заложници, а веб-страницата наведе дека Хамас инсистирал бројот на ослободените заложници да биде приближно 20.
Претходниот предлог вклучуваше ослободување на 40 заложници во тие категории, но Хамас рече дека нема толку многу жени, мажи над 50 години и тешко болни кои се уште се живи.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.