Македонија
Македонски новинар – најблиску до Пулицеровата награда
Американскиот интернет портал ProPublica, чија што дејност е истражувачко новинарство од јавен интерес, е добитник на Пулицеровата награда за истражувачко новинарство за текст посветен на евтаназијата на пациенти во болница во Њу Орлеанс за време на ураганот Катрина во 2005-та година
Во серијата текстови која што есента 2009-та се објавени на портал ProPublica работеше и Марко Георгиев, поранешен фотограф на The New York Times. Тој беше единствениот фотограф на The New York Times присутен во Њу Орлеанс, кога по ударот на ураганот Катрина“, се случуваше хуманитарна катастрофа и безредија, кога животот го изгубија околу 1.500 луѓе и речиси 80 отсто од градот беше под вода. Фотографии и сторија на Марко Георгиев се дел од серијата текстови со кои ProPublica конкурираше за добивање на Пулицеровата награда.Георгиев, заедно со новинарот Гордон Расел (добитник на Пулицеровата награда во 2006-та година) биле сведоци на двојно убиство, во кое, била вмешана и полицијата. Георгиев успеал да направи неколку фотографии на кои се гледаат две тела на убиени жители. Полицијата ги забележува двајцата новинари, при што имконфискувала дел од опремата и накратко ги задржале. Сепак, Георгиев, успева да зачува дел од фотографиите, иако му е одземена мемориската картичка од еден од апаратите. Подоцна, тие се објавени на ProPublica и на неколку други медиуми и се еднаод причините за пошироко новинарско истражување во врска со неразрешените смртни случаи во Њу Орлеанс за време на ураганот Катрина. Еден од серијата текстови е годишендобитник на Пулицеровата награда.Текстот во врска со убиството на кое е сведок фотографот Георгиев, може да го видите тука. Марко Георгиев во моментов е Главен и одговорен уредник на Новинската агенција Макфакс во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од две скопски населби без струја
Регионалниот центар за управување со кризи на Град Скопје, по добиеното известување од ЕВН, известува дека поради планирани зафати во електро дистрибутивната мрежа без напојување со електрична енергија ќе останат:
• од 09:00 до 12:00 часот Сеизмологија, Пржино, Институт за земјотресно инженерство, Француска амбасада и ул.Милан Мијалковиќ. (Општина Центар)
• од 08:00 до 15:30 часот Дел од улица Регионален пат R1102 Скопје – Катланово на потегот од бензинска Мак Петрол до исклучок кон с. Огњанци, улица 3, дел од улица 7 и дел од улица 2. (Општина Петровец)
Македонија
Поради водоводен приклучок: дел од Центар без вода за пиење
Регионалниот центар за управување со кризи на Град Скопје, по добиеното известување од ЈП Водовод и канализација – Скопје, соопшти дека денеска- петок, поради изведување на водоводен приклучок од Ф-80мм на ул.Македонија ( спроти Спомен куќата на Мајка Тереза ) во населба Центар, прекинато водоснабдување ќе имаат корисниците на потегот од Димитрие Чуповски до Даме Груев и дел од Луј Пастер , од 08:30 часот до завршување.(општина Центар)
Македонија
Променливо облачно со повремени врнежи од дожд, кои наместа ќе бидат пообилни
Времето денеска ќе биде променливо облачно со повремени врнежи од дожд, кои наместа ќе бидат пообилни и поројни, проследени со појава на грмежи.
Ќе дува слаб до умерен ветер претежно од североисточен правец.
Минималната температура ќе биде во интервал од 10 до 15, а максималната ќе достигне од 18 до 25 степени.
Во Скопје, времето ќе биде променливо облачно со повремени врнежи од дожд, попладне пообилни проследени со грмежи. Минималната температура ќе се спушти до 15, а максималната ќе достигне до 22 степени.
Во сабота во западните делови ќе има услови за слаб локален дожд. Потоа во следните денови времето ќе биде сончево со мала до умерена облачност. Дневната температура ќе биде во постепен благ пораст.