Македонија
Се очекуваат драстични промени на пописот на населението вo Битола
Редовниот попис на населението и домаќинствата ќе се одвива на државно ниво идната година, а уште отсега се прават подготовките, а статистичарите сметаат дека резултатите ќе бидат многу поразлични од оние пред десет години
од Цветанка Ристевска, Битола
Од први до 15-ти април идната година Заводот за статистика ќе врши попис на населението, становите и домаќинствата. Методологијата на попишување е иста како онаа во 2002 г., а за нејзина успешна примена ќе бидат вклучени анкетари, општински и државни инструктори:,,Заводот за статистика веќе работи на подготовките околу изработка и на обрасците и на доработка на методологијата и на подготовка на кадарот којшто ќе биде целосно вклучен и покрај што во Заводот за статистика има стручни луѓе кои со години веќе работат на попис, вели Лилјана Кузмановска, раководител Заводот за статистика во Битола.Првичните резултати ќе бидат објавени во рок од 60 дена, а конечните во 2012 г. Заводот за статистика дополнително ќе ангажира и надворешни лица.,,Пописот како акција е од најголем обем во работењето на статистиката и секогаш при обавување на такви акции имаме ангажирање на попишувачи, тоа се лица кои работат во заводот само за таа акција и инструктори кои ќе ја прават првичната контрола на добиените обрасци, вели Кузмановска.Податоците од пописот во 2002 г. пред новата територијална поделба покажаа дека тогашната општина Битола живееле 86 408 жители, од кои Македонци биле 77.470, а по нив доаѓаат Ромите кои ги имало 2.594, Албанците со 2.522, 1.183 Власи, 515 Срби, 20 Бошњаци и 524 припадници на други националности. Промените во овој десет годишен период ќе донесат нови бројки, кои треба да ја прецизираат и состојбата со природниот прираст во нашиот град.,,Знаете дека и на ниво на државата имаме негативен природен прираст во многу општини затоа се и многу од политиките кои што се преземаат околу зголемување на природниот прираст на населението. Самиот попис ќе покаже како се движи природниот прираст на населението“, вели Кузмановска.Од први до петнаесетти мај оваа година, пак, Заводот за статистика започнува со спроведување на анкета за приходите и условите на живеење на населението.,,Тоа е анкета што ќе оди во интервали и ќе се работи во шест интервали што ќе покаже каков е животниот стандард на населението“, вели Кузмановска. Претстојниот попис. според проценките на Државниот завод за статистика, ќе чини околу 14 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.