Спорт
Холандија потешко од предвиденото во четвртфиналето
Во денешниот осминафинален меч во Дурбан „лалињата“ со неуверлива игра ја совладаа Словачка со 2:1, по што го очекуваат победникот од вечерашниов дуел јужноамерикански дуел меѓу Бразил и Чиле
Пред околу 65 илјади гледачи на стадионот „Мосез Мабхида“, за Холандија стрелци беа Арјен Робен во 14. и Весли Снајдер во 84. минута, додека Роберт Витек во четвртата минута од судиското надополнување од пенал само се избори за достоен пораз на Словачка. Статистиката на мечот покажува рамноправен натпревар. Имено, „оранжовите“ во посед ја имаа топката 52 отсто, додека Словаците 48, Холанѓаните на противничкиот гол шутираа вкупно 16 пати од кои девет пати во рамките на голот, а противникот имаше 12 шутеви, од кои само три одеа директно во холандскиот гол но беа многу опасни, а во корнери скорот е 5:2, што ја илустрира доволната теренска надмоќ на Холандија, но и фактот дека без мака не може да се стигне до успех во осминафинале на мундијал. Првото полувреме беше едно од најлошите на ова светско првенство, но затоа, пак, второто донесе пожива игра во кое дебитантот на светските првенства промаши дури три стоотстотни шанси при минимално водство на Хоалндија.За Хоалндија првпат на првеството мечот го започна нивнито најдобар фудбалер Арјен Робен и уште во 18. минута постигна гол. Како и многупати во кариерат Робен собра околу центарот топка исфрлена од холандскиот казнен простор и влезе во пробив од десната страна измамувајќи ја удвоената одбрана против него и со левата нога прецизно стрелајќи неодбранливо во словачкиот гол. Подоцнежната шанса на Весли Снајдер, покрај погодокот на Робен, беа единствените две нешта што може да се одбележат од овој меч, кога Холанѓаните пропуштија можност со константен притисок да постигнат убедливо водство. Тоа „лалињата“ сакаа да го надополнат веднаш на почетокот од второт полувреме, но словачкиот голман Муха ги одбрани ударите на Робен, Ван Перси и Матијансен. Тоа се случуваше до 50. минута, од кога дојде до голем пад во играта на Холандија, што неискусната посебно за вака големи мечеви словачка репрезентација не успеа да го искористи. Словаците како и претходно кога го елиминираа досегашниот светски шампион Италија со 3:2, покажаа дека имаат квалитет на истрајност и дрскост потребен да се совлада голем фаворит. Холандскиот голман Мартен ван Стекеленбург е виновник што ако не проследивме ново големо мундијалско изненадување, ги искрати гледачите за многу поинтересна завршница, бранејќи ги одличните удари на Стох и Витек во периодот околу 66. минута. Витек во повторен обид од само шест метри го промаши целиот гол на Холандија, а слична стонастотна шанса пропушти и во 77. минута.За жал на Словаците, за овие промашувања им се одмазди старото непишано фудбалско правило и казната ги стигна во 84. минута, кога откако на топката што пред нивниот гол ја сврте Дирк Кајт кој го претрча голманот Муха, натрча Снајдер и пласира во празната мрежа. По голот, „лалињата“ не успеаја да го искористат разочарувањето на Словаците и не реализираа неколку излгедни можности за гол. Во последните мигови Стекеленбург во својот казнен простор го фаулираше Мартин Јакубка по што Витек го намали резултатот а воедно со четири погодоци во исто толку натпревари се изедначи со засега водечкиот голгетер на шампионатот, Аргентинецот Гонзало Игуаин.Холандија така ја забележа четвртата победа на мундијалот, но впечаток е со најслабо покажаната досега игра во Јужна Африка, па доколку сака да се пробие во полуфиналето, ќе мора многу да направи големи измени во однос на тоа што го демоснтрираше, па без разлика дали тоа во четврфиналето ќе се сретне со Бразил или со Чиле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фјури се враќа, ќе се бори против Махмудов
Тајсон Фјури (37) се враќа од пензија и ќе се бори против Арсланбек Махмудов на 11 април на стадионот на Тотенхем, во Лондон. Тоа ќе биде неговиот прв меч по речиси четири години пред домашна публика, а преносот ќе биде достапен низ целиот свет на платформата „Нетфликс“.
Поранешниот светски шампион во тешка категорија се повлече од боксот по два последователни порази од Олександр Усик.
Фјури, кој во текот на својата кариера имаше многу збогувања и враќања, има рекорд од 34 победи, два порази и едно реми во професионалниот ринг, со 24 нокаути.
Официјалната прес-конференција за најава ќе се одржи во понеделник на стадионот Тотенхем, со учество на двајцата борци.
Противникот на Фјури, Махмудов, е познат како еден од најопасните борци во тешка категорија. Во кариерата, тој нокаутирал 19 од 21 противник, има два порази во 23 натпревари и влегува во овој меч по најголемата победа во кариерата. Тој ја постигна со едногласна одлука против Дејв Ален минатиот октомври во борба за титулата во тешка категорија на ВБА Интерконтиненталната категорија.
Foto/ depositphotos
Спорт
Познат распоредот во Лигата на нации – Швајцарија во првото, Словенија во последното коло
Фудбалската репрезентација на Македонија, во новиот циклус во Лигата на нации, ќе се натпреварува во Б-дивизијата. Македонија е во Групата 1, заедно со Шкотска, Швајцарија и Словенија.
Првата фаза, во новиот циклус во Лигата на нации ќе се игра од септември до ноември оваа година. Македонија дуелите во Групата 1 ќе ги отвори на домашен терен со Швајцарија, а ќе ги затвори исто така на домашен терен против Словенија.
Првиот натпревар Македонија ќе го одигра на 26 септември против Швајцарија, а три дена подоцна следува гостувањето во Словенија.
Во октомври Македонија ќе ја пречека Шкотска (3 октомври), а на 6.10 ќе гостува во Швајцарија.
На 13 ноември Македонија ќе гостува во Шкотска, а три дена подоцна ќе ја пречека Словенија.
Foto/ EPA
Спорт
Ханси Флик за дебаклот на Барселона на „Метрополитано“ ги обвини судиите
Барселона, синоќа доживеа дебкла во првиот полуфинален натпревар во Купот на Кралот. На „Метрополитано“, Атлетико Мадрид победи со 4:0. Инспирираниот домашен тим головите ги постигна во првото полувреме.
По поразот од Атлетико, тренерот на Барселона, Ханси Флик, виновникот за дебаклот го најде во судиите, а не во лошата игра во дефанзивата на неговиот тим.
Спортна е ситуацијата во 53-та минута, кога по седум минути во ВАР собата донесоа одлука да го поништат голот на Пау Кубарси.
„Навистина не знам што друго да кажам за судењето во Шпанија. Ова е срам, целосен хаос, судењето е катастрофа. Не знам ни колку пати ја прегледав ситуацијата кога Кубарси постигна гол и навистина не разбирам каде некој од судиите виде недозволена позиција“, рече Флик и продолжи:
„Прекинот траеше повеќе од седум минути. Очигледно е дека бараа причина да го поништат тој гол на секој можен начин и со сета сила. Исто така, речиси и немаше комуникација меѓу судиите. Никој ништо не разјасни.“
Како алиби за поразот Германецот ја посочи агресивната игра на фудбалерите на Атлетико, иако е јасно дека тој беше незадовоелн од играта на неговиот тим, бидејќи првата измена ја направи во 35 минута од натпреварот.
„Судијата им дозволи на играчите на Атлетико да играат грубо, буквално им дозволи да прават што сакаат. Не само што не им покажа картони, туку дури и не им даде усна опомена. Уште од првата акција во играта, тие се жалеа кон судиите. Разочаран сум, навистина не можам да верувам што се прави во шпанскиот фудбал“, додаде тој.
„Судијата мораше да покаже жолт картон за првиот прекршок врз Балде, а зборуваме за самиот почеток на натпреварот. Тоа драстично ќе влијаеше на она што се случуваше подоцна. Нормално беше Симеоне да дозволи да нè малтеретираат кога виде дека судиите ќе му простат сè“, рече Германецот.
Интересно, Флик не го коментираше црвениот картон на Ерик Гарсија, бидејќи одлуката на теренот беше жолт картон. Дури кога доби повик од ВАР собата, главниот судија ја прегледа снимката и го исклучи дефанзивецот на Барселона, кој како последен играч во одбраната го фаулираше Алекс Баена.
Foto/ depositphotos

