Македонија
„Република Вевчани“ упати писмо до грчката влада
Врховниот совет на „Република Вевчани“ испрати писмо до Владата на Република Грција, како одговор на реакцијата на грчките власти за точката „Погребување на Грција“ што беше изведена во рамки на Вевчанскиот карневал.
Врховниот совет на „Република Вевчани“ испрати писмо до Владата на Република Грција, како одговор на реакцијата на грчките власти за точката „Погребување на Грција“ што беше изведена во рамки на Вевчанскиот карневал.„Почитувани соседи. Раководството на Република Вевчани на денешната вонредна седница расправаше во врска со последните настани и реакции за содржината на Вевчанскиот карневал и донесе одлука дека е подготвена веднаш на највисоко ниво да отпочне разговори со вашата земја со цел да се разрешат взаемните недоразбирања, се вели во писмото.Понатаму се додава дека Вевчани е дополнително подготвено да посредува како трета страна во решавањето на проблемот кој Грција го има со Република Македонија, но само доколку Грција се обврзе и даде цврсти гаранции дека на следниот самит на НАТО нема да го блокира приемот на Република Македонија во Алијансата.Вевчанци најавуваат и дека „доколку Грција се согласи, во блиска иднина ќе го поканат и господинот Нимиц да ја посети Република Вевчани и заеднички да се разгледаат понатамошните чекори за излез од настанатата криза“.„Република Вевчани јавно изјавува дека нема никакви територијални претензии кон Грција и е подготвена да го смени Уставот и знамето, како и да се откаже од своите малцинства кај соседите. Меѓутоа, за разлика од Р. Македонија која го направи истото пред 20 години, ние сепак бараме за возврат барем нешто, а не како Република Македонија која од договорот со вас доби само попусти за летување во грчките места за одредени политичари и златни часовници и анфори исто така за поранешни функционери, се вели во писмото на „Република Вевчани“. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.