Македонија
Започнаа уписите за новите студенти
Првиот уписен рок на петте јавни високо образовни установи во Македонија каде за оваа студентска година има предвидено вкупно 27.046 ќе се одржи денеска и утре.
Првиот уписен рок на петте јавни високо образовни установи во Македонија каде за оваа студентска година има предвидено вкупно 27.046 ќе се одржи денеска и утре.
„Од оваа бројка 16.089 слободни места се во државна квота за редовни студенти, 7.305 слободни места во квота за редовни студенти со кофинансирање и 3.652 слободни места за вонредните студенти,“ рече на вчерашната прес конференција, Министерот за образование и наука, Никола Тодоров.
Тој извести дека од овие слободни места за новите студенти, само на Универзитетот „Кирил и Методиј“ има вкупно 12.143 места. Од нив, 6.698 се резервирани за редовни студенти во државна квота, 3.896 за редовни студенти со кофинансирање и има 1549 слободни места за вонредните студенти.
„Основен услов за градење на успешна економија и просперитетна држава е високо образувана и квалитетно образована нација, и ние како министерство и како држава својот дел од работата со ова го завршивме. Од оваа година знаете дека имаме сериозно зголемени квоти за студирање и сериозно намалена партиципација, која ќе изнесува 200 и 400 евра, и очекувам проодноста оваа година да биде рекордна и огромен број на граѓани да одлучат да го продолжат своето образование,“ извести Министерот ТодоровВо државниот универзитет во Тетово има слободни места за 2.890 редовни студенти, 1.095 со самофинансирање и 480 вонредни или вкупно 4.465. Во универзитетот „Гоце Делчев“ од Штип има 3.991 место за во државна квота, 892 места со кофинансирање и 980 места за вонредни студенти или вкупно 5.863 места.
На битолскиот универзитет има 2.290 места за државната квота, 1342 места со самофинансирање и 643 места за вонредни студенти. Во универзитетот во Охрид има слободни места за 220 редовни студенти, 80 со кофинансирање или вкупно 300, извести Министерот за образование и наука, Никола Тодоров./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.