Претседателот на целото спортско друштво Барселона, Хуан Лапорта ги обвини англискиот прволигаш Челзи и Сандро Ресел за наговорување да прими мито во врска со трансферот на бразилскиот репрезентативец

Сандро Росел во 2004 г. кога ја извршувал функцијата потпретседател на Барселона, а сега од Жоан Лапорта во книгата „Сон за моите деца“ е обвинет за наговорување на примање поткуп од Челзи и земање процент од потенцијалниот трансфер на Роналдињо за кој клубот на рускиот олигарх Роман Абрамович навдно бил подготвен да плати 100 милиони евра. „Му реков тоа да си го исфрли од главата, бидејќи Рони не е на продажба и не сакам повеќе за тоа да зборувам, а тој ми оговори ’Хоан ни даваат провизиај од 10 отсто’. Сандро инсистираше да ја прифатиме понудата на Челзи, а се преправаше дека не сакаше продажба на Роналдињо“, било наведено во книгата на Лапорта  која била промовирана во понеделникот, на што сега реагираат британските медиуми. Росели следната 2005 г. по големата кавга со Лапорта ја напушти функцијата во Барселона. Сега тој е еден од главните кандидати за претседател на клубот на изборите кои треба да се одржат кон крајот на јуни, бидејќи Лапорта нема право веќе да се кандидира затоа што му истекува и вториот мандат. Лапорта, пак, планира да се кандидира за гувернер на Каталонија а е еден од најжестоките поборници на отцепување и осамостојување на оваа шпанска покраина. Од Челзи жестоко реагирале на овие наводи, како и Росел кој се заканува со тужба.„Тоа е целосна глупост. Никогаш не сме дале таква понуда за Роналдињо“,  се огласи лондонскиот клуб преку портпаролот.„По обвинувањата кои ги изнел Лапорта во книгата а кои се во врска со Роналдињо и понада од Челзи. Морам да кажам дека се сосема невистините. Тоа е напад на мојата чест и затоа сум подготвен да покренам правна постапка“, соопштил Росел.