Македонија
Хереро: Со добра волја до политички дијалог

Шефот на мисијата на ОБСЕ во Македонија, Хозе Луис Хереро, побара македонските политичари со интерес и добра волја да работат на изградбата на политичкиот дијалог во земјата
По денешната средба со претседателот на СДСМ, Бранко Црвенковски, Хереро рече дека последните случувања во Собранието се добра шанса политичките актери да работат на негово подобрување.„Ја имавме оваа епизода во Собранието. Мислам дека е добра можност да се погледне на него, и да се разбере дека на прашањето за политичкиот дијалог мора да му се пристапи со интерес, со добра волја од сите партии и и да се бараат елементи за негово подобрување. Важно е политичките претставници во земјава да имаат размена на идеи, и на крајот да обезбедат функционирање на демократскиот процес“, изјави Хереро.На средбата Хереро бил информиран за партиските активности на СДСМ, но прашањето за евентуални предвремени избори не било разговарано.Координаторите на пратеничките групи во Собранието веќе петти ден се обидуваат да договорат формирање на Анкетна комисијата, која ќе одлучува за евентуална политичка одговорност на учесниците во инцидентот на 1-ви јули, кога по неизгласувањето на предлог-законот за обештетување на стечајните работници дојде до судир меѓу пратеници и припадници на МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Регионалниот пат преку Јасен од утрово пуштен за сообраќај

Денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од Министерството за внатрешни работи.
Се препорачува внимателно возење, почитување на сигнализацијата и прилагодување на брзината поради можни одрони на патот, соопшти АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен поради летните одмор, меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Пожар кај „Зебра“, огнот зафатил возило

Пожар избувнал ноќеска во главниот град во близина на трговскиот центар Зебра.
Според последните информации огнот се проширил и зафатил возило на улицата Васил Ѓоргов во Скопје.
На местото на настанот биле присутни противпожарни возила кои го гаселе пожарот.
Македонија
Без струја делови од Карпош и Центар

Од ЕВН Македонија АД известуваат дека денеска ( среда ) без електрична енергија ќе останат:
– во периодот од 09.00 до 11.30 часот, корисниците од ул. Анкарска бр. 31. ( општина Карпош )
– во периодот од 09.00 до 13.00 часот, корисниците од ул. Загребска. ( општина Центар )