Свет
Србинот кој на Хаг му достави снимка од масакрот во Сребреница без азил
Австриските власти втор пат одбија да му дадат азил на српскиот државјанин Јован Мирило кој во Хашкиот суд достави видео снимка за масакрот во Сребреница
Австриските власти втор пат одбија да му дадат азил на српскиот државјанин Јован Мирило кој во Хашкиот суд достави видео снимка за масакрот во Сребреница.
На ова укажа Организацијата за заштита на човековите права „Amnesty International“, додавајќи дека Јован Мирило и неговото семејство би можеле да бидат протерани од Австрија за неколку недели, доколку судот не пресуди во нивна корист.
Мирило е добитник на наградата „Бруно Крајски“, за придонес за дознавање на вистината за масакрот на 8.000 муслимани во Сребреница, во 1995 година.
Тој, за австриските гласила изјави дека стравува за својот живот ако се врати во Србија, каде веќе му се заканувале, пред да побегне во Австрија во 2007 година.
Мирило потсети дека братот на сопственикот на видеоснимката, доставена до Хашкиот трибунал, бил протеран од Холандија, како и дека е убиен во април лани.
На снимката е прикажано убиство на шестмина муслимански мажи од страна на српската паравојска во Сребреница./крај/хи/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси Џинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Кси Џинпинг изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа денеска станува првата европска земја каде што ќе изградиме заедница со заедничка иднина“, рече Кси во говорот по размената на потпишаните меѓудржавни договори меѓу Србија и Кина во Палатата Србија.
Тој посочи дека, како вистински пријатели и добри партнери, Кина и Србија уживаат политичка доверба која е силна како карпа.
Свет
Во Берлин нападната сенаторка, трет напад врз владин политичар за само неколку дена
Германската полиција соопшти дека поранешната градоначалничка на Берлин, сенаторката Франциска Гифај била нападната во локалната библиотека каде непознат маж ја удрил одзади со торба наполнета со тежок предмет, а потоа побегнал.
Во нападот Гифај, која сега е министерка за економија на Берлин и член на партијата СПД на канцеларот Олаф Шолц, беше полесно повредена.
Нападот врз Гифаи е трет напад врз владин политичар за само неколку дена, пренесува Ројтерс.
Свет
(Видео) Авион на Боинг принудно слета на аеродромот во Истанбул, екипажот безбеден
Товарен Боинг 763 принудно слета на аеродромот во Истанбул, по дефект на опремата за слетување, јавија државните медиуми.
Екипажот е безбедно евакуиран, јави државната телевизија ТРТ, пренесува ДПА.
Авионот, во сопственост на американската компанија за испорака Федекс, бил на пат од Париз. Неговата опрема за слетување на носот претрпела дефект додека се приближувал кон Истанбул.
Teretni avion sletio na trup na Aerodromu u Istanbulu https://t.co/7GDTFSZtkY pic.twitter.com/lUD5URlsE0
— Anadolu BHSC (@aa_balkans) May 8, 2024
Контролната кула била информирана и биле преземени неопходните мерки на претпазливост пред авионот да слета во 08:17 часот по локално време, соопшти ТРТ, повикувајќи се на Министерството за транспорт.