Свет
Обезбедување од "Комета" делело правда во "Славија"
Шест вработени во "Славија" завчера изутрина едвај куртулиле од обезбедувачи од агенцијата "Комета", кои влегле во фирмата, се обиделе да ги нападнат, им се заканувале и ги влечеле
ИНЦИДЕНТ
Шест вработени во "Славија" завчера изутрина едвај куртулиле од обезбедувачи од агенцијата "Комета", кои влегле во фирмата, се обиделе да ги нападнат, им се заканувале и ги влечеле. Инцидентот во Дирекцијата на "Славија" го потврди и полицијата, според која, причина за вербалното насилство врз вработените биле нерасчистени акционерски односи помеѓу содружниците во фирмата.
Четворицата обезбедувачи од "Комета", кои според полицијата биле ангажирани од акционерката Жаклина Павловска, по пријавата на малтретираните вработени завршиле во притвор. МВР против нив ќе поднесе пријава. Кривична пријава може да заработи и Павловска, како нарачателка на инцидентот.
Во "Славија" вчера немаше никој да каже зошто се случил инцидентот и што барале дел вработени во фирмата во еден часот по полноќ.
Според МВР, вработени во "Комета" завчера изутрина во 01.30 часот со стапови влегле во канцелариите на "Славија" и им се заканувале на шестмина вработени.
– Откако си заминало обезбедувањето од "Комета", вработените го пријавија инцидентот, по што четири лица веднаш беа приведени – велат во МВР.
Поранешните вработени во "Славија", кои со години штрајкуваа и ги бараа заостанатите плати од раководството, тврдат дека инцидентот се случил помеѓу акционерите во фирмата.
Според нив, ова бил логичен расплет на настаните што почнале да кулминираат.
– Тиквата пукна. Ќе се испотепаа меѓу себе за повеќе пари – коментираат тие.
Поранешните вработени на некогашното најголемото трговско претпријатие со години бараат да се поништи приватизацијата на "Славија", бидејќи според нив, била направена на криминален начин. Тие побаруваат по 39 заостанати плати од фирмата, како и придонеси за повеќе години. Некогашните вработени и на суд докажаа дека фирмата им должи пари. Сите поседуваат документи со кои судот уште пред неколку години им наложил на акционерите да ги исплатат побарувањата. Вработените бараат да се смени раководство на "Славија", на чие чело стојат Кирил Кочовски и Гордана Георгиевска.
– Ние си ги бараме нашите 39 плати. Избркани сме од работа оти не сакавме да потпишеме дека се откажуваме од нашите побарувања. Приватизацијата на "Славија" е направена со фалсификувани документи. Здравјето го изгубивме за таа фирма. По улици ли да шетаме сега? – реагираат вработените.
Поранешните вработени во "Славија" го повикуваат раководството да излезе од својот "бастион" и да даде отчет како се работело во претпријатието.
– Се затвориле со катанци и боцкава жица и никој не смее да припари во дирекцијата. Состојбата со "Славија" мора да се реши, оти веќе десет години штрајкуваме по улици – реагираа поранешните вработени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ препорачува авиокомпаниите да го избегнуваат либанскиот и израелскиот воздушен простор во наредниот месец
Авиокомпаниите да го избегнуваат либанскиот и израелскиот воздушен простор во наредниот месец, препорача Европската Унија, во услови на ескалација на воздушните напади и ракетните напади меѓу Израел и Хезболах.
Европската комисија и Агенцијата за воздухопловна безбедност на Европската унија (ЕАСА) во соопштението предупредија на „севкупно интензивирање на воздушните напади и деградација на безбедносната ситуација“.
Тие издадоа официјална препорака „да не се оперира во воздушните простори на Либан и Израел на сите нивоа на летови“.
Оваа препорака привремено трае до 31 октомври.
„Може да се прегледа порано и да се адаптира или повлече“, се додава во соопштението.
„ЕАСА ќе продолжи внимателно да ја следи ситуацијата, со цел да процени дали има зголемување или намалување на ризиците за операторите на авиони на ЕУ како резултат на еволуцијата на заканата“, е наведено во билтенот за информации за конфликтната зона (CZIB).
Свет
(Видео) Пожар избувна во индиската фабрика за производство на Ајфони
Пожар избувна во фабриката за производство на Тата Електроникс, каде што се произведуваат iPhone, во градот Кришнагири, во индиската држава Тамил Наду. Пожарот започнал во одделот за бојадисување на додатоци за мобилни телефони околу 5:30 часот по локално време, принудувајќи ги вработените веднаш да ја напуштат областа.
На местото на настанот пристигнале седум противпожарни возила за да го изгаснат пожарот и да ги евакуираат сите вработени од објектот. Агенцијата IANS извести за значителна материјална штета, а противпожарните единици се уште работат на гаснење на пожарот. Локалните медиуми јавуваат дека се верува дека пожарот избувнал во одделот за бојадисување додатоци за мобилни телефони.
Густ чад брзо го покри областа, предизвикувајќи паника меѓу работниците и локалните жители. Според локалните медиуми, засега нема информации за повредени. Tata Electronics е еден од главните производители на iPhone во Индија, заедно со Foxconn. Компанијата соопшти дека ја истражува причината за пожарот и дека ќе ги преземе неопходните чекори за да ги заштити вработените и другите засегнати страни.
„Се случи несреќен инцидент“, рече портпаролот на Тата Електроникс во соопштението. „Нашите протоколи за итни случаи во фабриката гарантираа дека сите вработени се безбедни“, додаде тој.
Fire breaks out at Tata Electronics manufacturing unit in Hosur, Tamil Nadu. It is learnt that around 1,500 workers were on duty. A company spokesperson said: “There has been an unfortunate incident of fire at our plant in Hosur, Tamil Nadu. Our emergency protocols at the plant… pic.twitter.com/099tak7AgP
— Sangeetha Kandavel (@sang1983) September 28, 2024
Свет
Сите „сили на отпорот“ во регионот стојат покрај Хезболах, вели иранскиот врховен лидер
Врховниот лидер на Иран, ајатолахот Али Хамнеи, ја даде првата изјава откако израелската армија соопшти дека го убила лидерот на Хезболах Хасан Насрала.
Во изјавата, тој ги повика муслиманите „да застанат покрај народот на Либан и гордиот Хезболах со какви било средства што ги имаат и да им помогнат во соочувањето со злобниот режим на Израел“.
„Судбината на овој регион ќе ја одредат силите на отпорот, со Хезболах во првите редови“, изјави Хамнеи, цитиран од државните медиуми.
Хамнеи во својата изјава воопшто не го спомна Насралах.
Тој го осуди убиството на „неодбранливите“ цивили во Либан, велејќи дека тоа ја покажува „краткогледноста и глупавата политика на водачите“ на Израел.
Израелските „криминалци мора да знаат дека се премногу мали за да предизвикаат значителна штета на упориштата на Хезболах во Либан“, рече тој и додаде: „Сите сили на отпорот во регионот го поддржуваат и стојат покрај Хезболах“.