Македонија
Загубени во преводот!
Погрешниот превод, поточно потпирањето врз компјутерскиот превод на Google, ќе ја инспирираше македонската јавност на уште една еуфорична епизода пред 7 декември и конечната одлука на Советот на Европската Унија кога и дали нашата држава ќе ги почне пристапните преговори
Имено, една телевизија од Скопје, со национална мрежa и кабловски систем, изјавата на заменик-министерот за надворешни работи на Грција, Димитрис Друцас, дека е „незамисливо да почнат преговори за FYROM без решение за името“ со помошта на Google ја преведува во: „без решение на спорот со името ќе бидат отворени пристапните преговори на Македонија за влез во Европската унија“. Димитрис Друцас, меѓутоа, дал сосема поинаква изјава за грчкиот весник „Елефтерортипија“ и притоа додал дека преговорите за името се одвиваат единствено под закрила на ООН. За него е незамисливо Македонија да ги почне преговорите без да го смени името.По проверката на веста која беше според сите елементи сензационална, Форум дојде до сознание дека е во прашање грешка, која за малку ќе не’ загубеше уште еднаш во преводот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.