Свет
Убиени петмина пакистански војници
Пет пакистански војници се убиени денеска при напад на талибанските милитанти на еден контролен пункт на пакистанската армија на север од Пакистан, пренесува Reuters повикувајќи се на локални медиуми.
Пет пакистански војници се убиени денеска при напад на талибанските милитанти на еден контролен пункт на пакистанската армија на север од Пакистан, пренесува Reuters повикувајќи се на локални медиуми.
Според медиумските извештаи, талибанците го нападнале воениот контролен пункт во регионот на Сарарога во провинцијата Јужен Вазиристан. Притоа пакистанските војници возвратиле на огнот, но петмина од нив биле убиени. Воени извори за пакистанските медиуми изјавиле дека во престрелката на талибанците им биле нанесени „значителни загуби“, но не се прецизираат бројки.
Пакистанските медиуми претпоставуваат дека мотивот за овој крвав напад од страна на талибанците е одмазда за претходен напад од американско беспилотно летало кое истрелало ракети врз возило во близината на градот Мир Али, во соседната провинција Северен Вазиристан. Во овој американски напад биле убиени четворица талибанци, а меѓу нив и еден од нивните воени команданти, рекле пакистански разузнавачки извори.
Станува збор за Кари Хусаин, за кого се верува дека бил организаторот и „мозокот“ на повеќето самоубиствени бомбашки напади изведени последните месеци на целата територија на Пакистан. /крај/рој/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.