Владата предводена од ВМРО-ДПМНЕ и претседателот Никола Груевски во изминатиот период беше фокусирана на реализација на капитални инфраструктурани проекти, со цел да создадеме квалитетна транспортна мрежа и поквалитетен живот за граѓаните на Република Македонија, истакна во саботата Владо Мисајловски, актуелен министер за транспорт и врски од владејачката партија. 

Мисајловски на прес-конференцијата во партиското седиште истакна дека од 2006 година, кога партијата ВМРО-ДПМНЕ дојде на власт, започнале активно да работиме на сите проекти кои им ги ветиле на граѓаните и од кои ја добиле довербата.

„Со гордост можам да истакнам дека како никогаш досега во Република Македонија се инвестира во патната и железничката инфраструктура, во развој на авиосообраќајот, максимално сме посветени на подобрување на животниот стандард на граѓаните преку цврста станбена политика и преку инвестиции во комуналната инфраструктура“, рече Мисајловски додавајќи дека меѓу другото е извршена „историската“ реформска за легализација на диво изградените објекти, континуирано работиме на привлекување и на нови туристи преку развивање и модернизацијата на туристичките центри.

„Вложуваме преку милијарда евра само во изградба на патната инфраструктура. Досега изградивме и рехабилитиравме 85 километри автопатска мрежа, инвестиција од 70 милиони евра. Во тек е изградба и реконструкција на 142 километри автопат инвестиција од околу 800 милиони евра. Во моментов се градат три нови автопати, Демир Kапија-Смоквица со должина од 28,2 киометри и инвестиција од 210 милиони евра, потоа автопатот Миладиновце-Штип со должина од 47 километри и инвестиција од 206 милиони евра и од Кичево до Охрид со должина од 57 километри и инвестиција вредна 374 милиони евра“, рече Мисајловски.

Потсети дека во тек и реконструкција на делницата од Смоквица до Гевгелија во должина од 10 километри и инвестиција од 4,2 милиони евра.

Во делот на регионалните патишта, продолжи Мисајловски, досега се реконструирани се 55 магистрални и регионaлни патишта со вкупна должина од над 510 километри, инвестиција од 93 милиони евра. Во тек на рeконструкција се 13 регионални патишта со вкупна должина од 165 километри и инвестиција од преку 48 милиони евра, меѓу кој и изградба на еден експресен пат од Велес до Кадрифаково. А се работи и на патот Битола- Ресен- Буково, Ново Село-Маврово, Мокрино-Смолари, Нов Дојран – Николиќ, Тетово-Брвеница-Гостивар, Бошков мост-Дебар, Делчево-Голак, Мелнички Мост – Центар Жупа, Кривогаштани-Воѓани, Лажани-Црнилиште, Скопје-Сончев град и од Опае до границата со Косово и многу други…

„Во наредниот период започнуваме со реконструкција на 11 регионални правци со вкупна должина до 200 километри и инвестиција од преку 370 милиони евра, меѓу кои се и изградба на 5 експресни патишта и тоа Штип – Радовиш, Штип – Кочани, Ранковце – Крива Паланка, Градско – Прилеп и од Охрид до Пештани“, најави претставникот на ВМРО-ДПМНЕ.

Мисајловски продолжи со набројувањето на инвестициите и во делот на локалната патна мрежа, сфера во којашто, како што посочи досега биде реконструирани 404 патишта со вкупна должина од над 750 километри и инвестиција од над 65 милиони евра. Изградени е и санирани, истовремено, се и12 мостови инвестиција од 5 милиони евра, осветлени се 38 клучки инвестиција вредна 3,5 милиони евра и санирани 17 свлечишта во вредност од 4 милиони евра.

„Овие податоци само докажуваат дека оваа Влада предводена од ВМРО-ДПМНЕ и Никола Груевски собра храброст да започне еден ваков инвестициски циклус во изградба на целокупната патна мрежа во Република Македонија“, заклучи Мисајловски.

Покрај инвестициите во патната инфраструктура, Мисајловски рече дека се вложуваи во изградба на железница кон Бугарија и уште една пруга кон Грција, инвестиции поценети на повеќе од половина милијарда евра.

„Започнавме да ја градиме пругата кон Бугарија, во тек е првата фаза од Куманово до Бељаковце инвестиција вредна од 40 милиони евра. Во тек е проектирање на делот од Бељаковце до Крива Паланка и на делот од Kрива Паланка до границата со Бугарија. Оваа пруга комплетно треба да ја завршиме во 2022 година. Работиме и на проектирање на железничка пруга од Кичево до Лин, граница со Албанија, во исто време проектираме и еден дел до Охрид. Во тек е и изградбата на пругата од Битола до Кременица инвестиција од 19 милиони евра со средства од ИПА фондовите. На оваа пруга ќе се изгради и еден крак кон индустриската зона Жабени со што ќе се овозможи полесен и побрз транспорт до Солунското пристаниште“, конкретизираше Мисајловски.

Во оваа сфера се повали и со завршената реконструкција и на железничката станица во Скопје а отпочнувањето на реконструкцијата на десет железнички станици на Коридор 10, и тоа во Велес, Прилеп, Битола, Гевгелија, Богомила, Чашка, Табановце, Демир Капија, Градско и Неготино, со вкупна инвестиција од 4,5 милиони евра средства од ИПА фондовите.

Еден од приоритетните проекти во желеницата беше обновата на возниот парк, потсети министерот. Оваа Влада, рече Мисјалвоски, успеала да набави 6 нови патнички возови и 150 нови товарни вагони, инвестиција од 40 милиони евра. Овозможивме бесплатен превоз со воз за пензионери, млади до 27 години, студенти и ученици. Досега оваа мерка ја искристиле преку 185 илјади патници со што нивните семејства заштедиле преку 770 илјади евра и со тоа „уште еднаш Владата докажа колку сме посветени во развој на железничиот систем во Република Македонија“.

Во своевидниот опширен отчет за сработеното од неговиот ресор во изминатиот период, Мисајловски се задржа и на делот на авиосообраќајот. Ги истакна, притоа, реконструкциите на двата аеродроми во Скопје и Охрид, со што, како што рече, скопскиот аеродром станал еден од најконкурентните во регионот за што трипати добива награда како најдобар аеродром во категоријата до два милиона патници.

„Исто така,само во периодот од 2012 година па сé досега успеавме да обезбедиме нови 23 евтини летови до европски дестинации. Ако за споредба во 2005 година имало летови само отприлика редовни 15 дестинации оваа година имаме дури 35 редовни линии. Ова е разликата меѓу ВМРО -ДПМНЕ и СДСМ“, порача Мисајловски.

Тој отчетот го продолжи со констатацијата дека во Македонија влегува и една од најдобрите светски авиокомпании „Катар ервејс“, која претходно месецов најави дека од октомври ќе започнат да летаат на релација Скопје -Доха.

„Сиве овие инвестиции во авиосообраќајот допринесоа изминатата година да имаме рекордна бројка од 1,5 милиони патници што поминале низ македонските аеродроми. Сакам да истакнам дека и во иднина ќе продолжиме да работиме во таа насока и се надевам дека за скоро време ќе имаме и нови дестинации.

Исто така, сакам да истакнам дека оваа Влада става посебен акцент на изградбата на водоводни и канализациони мрежи бидејќи тие се елементарна потреба за поквалитетен живот на граѓаните. Во таа насока до сега инвестиравме преку 12 милиони евра за изградба на 42 водоводни и канализациони системи во 30 општини. Во фаза на реализација се 24 проекти во 21 општина со вкупна инвестиција од 7 милиони евра. Ова е една третина од резервираните средства со кои располагаме со што е отворена можноста за сите општини што немаат искористено средства тоа да го сторат во наредниот период, да аплицираат со проекти до Министерството за транспорт и врски за да можеме да отпочнеме постапка за финанисрање и нивна реализација.

Станбената политика е една од приоритетните што како Влада посветуваме големо внимание. Згрижувањето на ранливите категории граѓани е многу важен процес што ние го спроведуваме. До сега инвестиравме 20 милиони евра за изградба на 678 станови.

Во тек е градба на една зграда во Македонски брод со 10 станови и една зграда во Кочани со 43 станови. Оваа година ќе започнеме со изградба на 163 станови и тоа 70 во Гостивар, 39 во Виница и 54 во Свети Николе, а во наредниот период ќе изградиме уште дополнителни 438 станови во Пехчево, Струмица и Скопје.

Една од најголемите реформи што започнавме да ја спроведуваме е легализацијата на дивоизградените објекти. До сега имаме легализирано околу 147 000 објекти. Покрај продолжувањето на рокот за легализација овозможивме да се легализираат и објекти кои се наоѓаат на приватно земјиште. За социјално ранливите граѓани овозможивме бесплатна изработка на геодетски елаборат за легализација на нивните домови. Досега имаме изработено над 5300 бесплатни елаборати, а мерката продолжува и понатаму.

Друга работа што сакам да ја спомнам во овој контекст е најновата мерка што ја донесовме а тоа е можноста за надградба на куќите. Со оваа мерка се овозможува секој еден да може да врши надградба на својата куќа во максимална висина до 10 метри и 20 сантимeтри и во случај ако надградбата на објектот не е предвидена во планската документација.

Во делот на градежната политика овозможивме и бесплатни проекти за изградба на типски куќи, цена од 1 евро за квадрат за продажба на државно неизградено земјиште, за 95 % ги намаливме комуналиите за изградба на хотели, катни гаражи и откупно дистрибутивни центри.

Најголемата реформа што ја спроведивме е воспоставувањето на електронскиот систем за издавање на одобрение за градење со што во последниот извештај на Дуинг Бизнис, Република Македонија е рангирана на 10 место во светот и на прво место во Европа и Централна Азија за ефикасно спроведување на постапката за издавање на одобрение за градење.

За збогатување на туристичката понуда, изградивме 14 километри пешачки патека и тоа; околу Дојранското, Велешкото, Мавровското, Беровското езеро и во Крушево или вкупна инвестиција од 2 милиони евра. Уредивме 600 метри плажи на Дојранското и уште 600 метри плажи на Преспанското Езеро“, наброи во продолжение Мисајловски.

Истакна дека ова е отчетност само за дел од тоа што сме го сработиле и најавите за новите инвестиции и оти „разликата е видлива“./крај/мф/сн