Властите на Саудиска Арабија применуваат разни правосудни методи за да ги задушат акциите на активистите за демократизација на општеството и за човекови права, вклучувајќи и затворски казни.

Ова во средата го соопштија саудиски активисти за човекови права кои велат дека некои од нивните членови веќе по неколку години се во притвор без подигнување никакво обвинение против нив, а последните месеци биле изведени пред суд во случаите кои покажуваат промена во односот кон политичките затвореници, активисти и адвокати.

Во последните пет месеци, под истрага се седум саудиски дисиденти, меѓу кои се адвокати и професори Четворица од нив ги очекува судење, а еден е веќе осуден на четири години затвор, тврдат активистите за Reuters. Дваесетина од нив добиле забрани за патување.

„Наместо да воведува реформи, за да се ублажи насилството на полицијата, владата активистите сега ги изведува пред судовите.“, изјави Абдулах ал-Хамид, поранешен професор кому исто така му претстои судски процес под обвинение за поттикнување на јавноста против властите во земјата.

Саудиското министерство за внатрешни работи тврди дека во кралството воопшто нема политички затвореници, а владината Комисија за човекови права не утврдила никакви неправилности што се однесуваат на третманот на затворениците, тврдејќи дека во земјата нема случаи на насилство кон лицата коишто се наоѓаат во притвор.

Меѓутоа, саудискиот писател Муклеф ал-Шамари кој мина две години во притвор, за дури деновиве против него да мине подигнато обвинение за „вознемирување“ и за „нарушување на угледот на земјата“. Активистот Мохамед ал-Баџади, пак, беше осуден во април годинава во судот во Ријад на четири години затвор, бидејќи дал поддршка на семејствата на притворените кои на демонстрациите бараа ослободување на нивните роднини./крај/ро/сн