Спорт
Чуркоски го превесла Охридското езеро
Струшкиот кајакар, Ристе Чуркоски, оствари
несекојдневен подвиг, за Денот на независноста.
Струшкиот кајакар, Ристе Чуркоски, оствари несекојдневен подвиг, за Денот на независноста. Тој со кајак го обиколи Охридското езеро.
Поранешниот репрезентативец на СФРЈ во кајак на мирни води, 48 годишниот Чуркоски од Струга преку Охрид и Поградец, на целта до струшкиот хотел „Дрим“ мина 90 километри. За целиот потфат на Чуркоски му беа потребни 8 часа и 20 минути.
„Исклучително е напорно да се стори ова, но на крајот задоволството е огромно. Временските услови беа идеални, Господ денес беше со мене. Јас сум голем пријател на езерото и тоа денес беше со мене. Горд сум што сум првиот кајакар кој го обиколил езерото“, изјави Чуркоски по пристигнувањето на целта.
Пред почетокот на неговиот потфат, Чуркоски доби поддршка од градоначалниците на трите крајезерски града, тој имаше исклучителен пречек во Охрид и Поградец. Дали идејата со која тргна на 90 километарскиот пат, дека границата на езерото не треба да биде пречка за добрососедство и соработка ќе заживее ќе покаже иднината. Кајакарот-ветеран се надева дека овој маратон од следната година ќе стане традиционален и со меѓународен карактер.
Чуркоски не заборави да им се заблагодари на екипата која го следеше на неговиот пат. Дел од неговиот тим беа и познатиот маратонец Михајло Ристоски и д-р Владимир Брчески. Двајцата имаа причина за само една помала интервенција.
„За ваков подвиг треба да бидете подготвени физички и психички, Ристе денес покажа дека е во врвна форма. Многу помлади кајакари не би можеле да го сторат ова. Лично имав причина за само една помала интервенција, се случи на делницата од Трпејца до Поградец, Чуркоски имаше една помала криза. Меѓутоа ги превзедовме сите мерки и ја пребродивме кризата, пред и потоа вршевме само редовни контроли на пулсот и крвниот притисок“, вели д-р Брчески.
По пристигнувањето на целта, Чуркоски беше пречекан од голем број на пријатели и подржувачи кои не го криеја воодешувањето од неговиот подвиг. Кајакарот на крајот упати порака, пред се до младите спортисти.
„Им посакувам на сите спортисти да си ги остварат своите сништа. Ефектите од мојот подвиг и пораката која ја упатив ќе бидат видливи во иднина“, рече новиот спортски херој, Ристе Чуркоски.крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јуриќ во една година три пати добил отказ
Иван Јуриќ очекувано доби отказ во Аталанта. Човекот кој забележа многу добри резултати на клупите на Верона и Торино помеѓу 2019 и 2024 година е во низа што ретко се гледа во врвниот спорт.
Хрватот беше отпуштен од Аталанта денес, точно на годишнината од неговото отпуштање од Рома (10 ноември 2024 година), а во меѓувреме беше назначен за тренер и отпуштен од Саутемптон.
Јуриќ ја водеше Рома 12 пати, Саутемптон 16 и Аталанта 15 пати пред шефовите да му се заблагодарат за соработката. За споредба, тој има 122 натпревари на клупата во Торино и 79 пред тоа во Верона.
Јуриќ го напушта клубот со резултат 4-8-3 и просек од 1,33 поени по натпревар. Ако на Ла Деа и се избришат резултатите од Лигата на шампионите, резултатот е уште подраматичен.
Аталанта ја остави на 13-то место на табелата во Серија А со резултат од 2-7-2.
Спорт
Се повреди Тибо Куртоа
Еден од најдобрите во Реал Мадрид, голманот Тибо Куртоа, претрпе повреда која ќе ги пропушти квалификациите за Светското првенство со Белгија.
Станува збор за повреда на примачот, и сè уште не е познато колку е сериозна или колку долго Куртоа ќе отсуствува.
Дефинитивно е јасно дека тој нема да биде достапен за селекцијата на Белгија во квалификациските натпревари за Светското првенство против Казахстан и Лихтенштајн.
Куртоа е еден од најдобрите голмани во светот со години. Во последно време, тој е еден од најважните играчи за Реал Мадрид, особено во овој период на мини-криза кога загубија од Ливерпул во Лигата на шампионите и одиграа само 0:0 против Рајо Ваљекано.
Оваа сезона, Куртоа не пропушти ниту една минута во дресот на Реал и белгиската репрезентација.
Спорт
Дешан негира дека добил понуди од Јувентус и Бразил
Селекторот на Франција, Дидие Дешан, потврди дека ги напушта „Триколорите“ по Светското првенство во 2026 година, но сè уште не знае каде ќе ја продолжи кариерата потоа.
Дешан потврди дека разговарал со претставници на саудиски клуб за можна соработка откако ќе му истече договорот со француската репрезентација. Сепак, тој ги негираше гласините за можно враќање во Јувентус или преземање на бразилската репрезентација.
„Можеби имав некои контакти, не конкретно со нив (Бразил). Нема да зборувам за имиња, но тие ја знаат мојата ситуација“, рече Дешан.
Селекторот на Франција, исто така, нагласи дека неговата одлука да го напушти кормилото на „Триколорите“ на крајот од Светското првенство во 2026 година е конечна, без оглед на тоа каков резултат ќе постигнат Французите на Мундијалот.
Овој 57-годишен тренер ги предводи Французите од 2012 година. Под негово водство, „Триколорите“ станаа светски шампиони во 2018 година во Русија. Пред Франција, тој тренираше само три други клуба: Монако, Јувентус и Олимпик Марсеј и освои трофеи со секој од нив.
Како фудбалер, Дешан играше за Нант, Бордо, Олимпик Марсеј, Јувентус, Челзи и Валенсија. Тој освои 15 трофеи, вклучувајќи две Лиги на шампиони со Марсеј (1993) и Јувентус (1996).

