Македонија
Црвенковски од претседателската сметка плаќал јавни личности
Од сметката на Кабинетот на Црвенковски, додека беше претседател на Македонија, исплатувани средства на јавни личности, обвини владејачката ВМРО-ДПМНЕ
„СДСМ сокри од македонската јавност дека од сметката на Кабинетот на Бранко Црвенковски, додека беше Претседател на Република Македонија, се исплатувани средства на некои јавни личности блиски до партијата“, рече на денешната прес-конференција Зоран Петрески, член на Извршниот комитет на ВМРО-ДПМНЕ.Петрески апелираше до опозиционите социјалдемократи да одговорат кој бил плаќан од сметаката на Кабинетот на Претседателот на Република Македонија, додека оваа функција ја зивршуваше нивнито старо-нов партоиски лидер Бранко Црвенковски. „СДСМ се обиде да објасни дека не е значајно дали имало или не тендер за набавките во Кабинетот на Бранко Црвенковски, додека ја извршуваше функцијата Претседател на Република Македонија, се обиде да објасни дека обезбедувањето на Црвенковски има право да троши по кафани и ресторани повеќе или помалку од 15 илјади евра, но се обиде да објасни дека, не Кабинетот и Црвенковски лично, туку сметководството е виновно за лошото управување со сметките во Кабинетот на Бранко Црвенковски, потсети Петревски.Петрески се повика на тврдењата изнесени во еден дневен весник, кој како лица кои биле на платниот претседателски список на Црвенковски меѓу другите добивале Љубомир Фрчкоски, Стево Пендаровски, Радмила Шеќеринска, Владимир Милчин, Жарко Трајановски, Сашо Орданоски, Ѓунер Исмаил, Катерина Блажевска, Ивица Антевски, Никола Гелевски и други.Петревски побара одговор од СДСМ и од Црвенковски кој ќе ја сноси политичката одговорност акоовие наводи се вистина, дали со буџетски пари вршеле неофицијален поткуп на одредени јавни личности заради добивање на подршка пред јавноста, и дали СДСМ вака ја замислува демократијата и европските стандарди, а партијата и Црвенковски вака го градат односот со одредени поединци во медиумите во Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија, мандат за состав на Влада добива кандидатот на партијата/ партиите кои имат мнозинство (најмалку 61 пратеник).
„Владата ја избира Парламентот со мнозинство гласови од 120-те пратеници. Мнозинство се 61 пратеник. За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса. Се работи за класична манипулација или непознавање на политичкиот систем и Уставните решенија за избор на Влада“, велат од Демократскиот сојуз.
„Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат.
Наводната проевропска партија „ги отвори вратите на ЕУ“, при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади Албанци.
Сите партии се изјаснија дека по изборите нема да коалицираат со ДУИ. Тоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ“, се додава во соопштението на Демократскиот сојуз.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.