Свет
Најмалку 25 загинати, 10 исчезнати во рудник за јаглен во САД
Најмалку 25 рудари загинаа, а 10 се заробени стотина метри под површината во експлозијата што се случи во понеделникот во подземен рудник за јаглен во американската сојузна држава Западна Вирџинија.
Најмалку 25 рудари загинаа, а 10 се заробени стотина метри под површината во експлозијата што се случи во понеделникот во подземен рудник за јаглен во американската сојузна држава Западна Вирџинија.
Спасувачките екипи во вторник стигнаа до оддалечениот рудник на фирмата Мејси Енерџи (Massey Energy), Апер Биг Бренч (Upper Big Branch), изјави Кевин Стриклин, раководител на сојузната Управа за безбедност на рудниците.
„Мораме што поскоро да дојдеме до преживеаните“ рече Стриклин.
Тој изрази надеж дека рударите кои ја преживеале експлозијата успеале да дојдат до затворените комори во кои има доволно храна, вода и кислород за да можат да преживеат неколку дена.
Причината за експлозијата не е позната, но се претпоставува дека станува збор за метан, бидејќи во рудникот и претходно имало помали несреќи предизвикани од неправилната вентилација на метан.
Спасувачките екипи пронајдоа докази дека рударите користеле залихи на кислород од складиштето во рудникот.
Загрижените членови на семејствата одведени се во управната зграда на компанијата, каде пристапот на новинарите им е забранет.
Последните години американските инспектори на оваа фирма и изрекоа повеќе од 382.000 долари казни поради кршење на правилата за вентилација на рудникот. /крај/хи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.