Македонија
Локалната власт, судството и јавната администрација – најкорумпирани
Локалната власт, судството и јавната администрација се најкорумпираните сфери во Македонија. Ова го изјави првата антикорупционерка Мирјана Димовска на конференцијата по повод 9. декември, Ден за борба против корупцијата.
Локалната власт, судството и јавната администрација се најкорумпираните сфери во Македонија. Ова го изјави првата антикорупционерка Мирјана Димовска на конференцијата по повод 9. декември, Ден за борба против корупцијата.
„Може да се каже дека имаме многу сериозни проблеми во локалната сфера, со градежништвото и со урбанизмот. Имаме сериозни проблеми во смисла на употреба на овластувањата на локалната власт до исклучивост и тука навистина може да се каже дека имаме сериозен проблем со корупција“ рече Димовска, претседател на Државната комисија за спречување на корупција.
Освен во локалната власт и судството, корупцијата е присутна и во јавната администрација, а според бројот на корупцијата е присутна и во политичката сфера, истакна Димовска.
Таа рече дека се работи на измена на изборниот законик и на законот за финансирање политички партии. „Тоа една област која не сме ја отвориле доволно добро, но ние како антикорупциска комисија веќе имаме согледано потреба за донесување на многу подобри закони, а реално може и да се направат во таа сфера“ додаде Димовска.
Универзитетската професорка Весна Шопар препорачува што поголема транспарентност во борбата против корупцијата.
„Мислам дека и тука искуствата треба се градат, развиваат, пронаоѓаат, да почнат да се применуваат нужни нешта што се општествено значајни, тоа е транспарентноста во работата, на што треба и медиумите да инсистираат сè повеќе. Нема долго време како имаме добиено закон за пристап до информации. Значи нови се нештата но, не е нова и корупцијата“ рече Шопар.
Михаела Стојкоска од УНДП ја цитираше пораката на Генералниот секретар на ООН, Бан Ки Мун.
„Кога јавни пари се присвојуваат за приватна корист, тоа значи помалку средства за градење болници, патишта и пречистителни станици за вода. Кога странската помош се насочува на приватни сметки на банка, запираат големи инфраструктурни проекти. Први на удар се најранливите групи и тие страдаат најмногу“.
Покрај воведните обраќања од страна на претставници на УНДП, Антикорупциската комисија и ЗЕЛС, беа доделени и пофалници на неколку општини за досегашните постигнати резултати и беа промовираа три нови прирачници од сферата на антикорупцијата.
Одбележувањето на Меѓународниот ден за борбата против корупцијата се заокружи со панел дискусија за предизвиците и можностите на истражувачкото новинарство во следењето, откривањето и спречувањето на корупцијата во земјата./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.