Свет
Турскиот премиер го отфрли израелскиот извештај за хуманитарната флотила

Премиер Таип Реџеп Ердоган го отфрли како пристрасен извештајот на израелската истражна комисија, според кој се оправдуваат акциите на израелските сили во текот на кризата со хуманитарната флотила во мај минатата година, пренесува Риа НовостиИзраелските војници извршија напад на бродовите од таканеречената „Флотила на слободата“, кои во мај минатата година превезуваа 10.000 тони хуманитарна помош за Палестинците во Појасот Газа и кои во моментот на нападот се наоѓаа во неутрални води. Во нападот загинаа деветмина турски државјани.Израел започна истрага за нападот кон крајот на јуни. Во меѓувреме, земјата одби повеќе повици за формирање на меѓународна истражна комисија која би го истражила инцидентот. Во својот извештај, објавен денеска, израелската комисија вели дека дејствијата на израелската армија и морнарица биле легални и вината ја префрла на насилното однесување на патниците на бродовите. Реџеп Таип Ердоган го отфрли извештајот како пристрасен.„Што друго може да се очекува од спонзориран извештај?“, изјави тој за новинарите и додаде дека извештајот „нема никаков кредибилитет“. Инцидентот им нанесе тежок удар на турско-израелските односи. Кусо потоа, Анкара го отповика својот амбасадор од Тел Авив и побара официјално извинување и компензации од Израел. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина утре ќе разменат 175 воени заробеници

Русија и Украина утре ќе разменат 175 воени заробеници од двете страни, изјави претседателот Владимир Путин за време на телефонскиот разговор со неговиот американски колега Доналд Трамп.
-Путин објави дека на 19 март руската и украинската страна ќе разменат по 175 затвореници, се вели во соопштението на Кремљ.
Белата куќа, од своја страна, објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање крај на конфликтот ќе започнат „веднаш“.
Тие разговори ќе бидат на Блискиот Исток, соопшти Белата куќа, пофалувајќи ги „огромните придобивки од подобрените односи“ меѓу САД и Русија
Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.