Свет
Кувајт им дава на либиските бунтовници 177 млн долари
Кувајт на Либискиот национален бунтовнички совет ќе му помогне со 50 милиони кувајтски динари (177 милиони долари), за да може да им се исплатат платите на вработените во источниот дел од земјата
Како што пренесува во неделата Reuters, оваа информација ја пренел претседателот на Советот, Мустафа Абдел Џалил.„Кувајтскиот емир ни понуду финансиска помош во вредност од 50 милиони кујватски динари. Оваа сума ќе ни овозможи да им ги исплатиме платите на вработените кои не ги примиле веќе два месеца. Со нив ќе покриеме околу 40 отсто од вкупните потреби. Итно ни е потребна помош“, изјавил Џалил на прес-конференција во Кувајт.Кувајт на 4-ти април, по Катар, беше втората арпаска држава која го призна Либискиот национален бунтовнички совет.Џалил додал дека востаниците добиле оружје од своите „пријатели и сојузници“, но не прецизирал за кои држави или организации станува збор.Западните земји кои не сакаат да бидат вовлечени во конфликтот и во трета муслиманска земја по учеството во војните во Ирак и во Авганистан, не беа расположени со оружје да ги снабдат либиските бунтовници. Велика Британија и Франција ветија дека во Бенгази, центарот на либиското востание ќе испратат воени советници, додека Италија ја разгледува можноста за испраќање стручњаци за воена обука, но Џабил на прес-конференцијата изјавил дека воените советници сѐ уште не стигнале во Либија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јапонскиот аеродром Кансаи не изгубил ниту еден багаж за 30 години работа
Јапонскиот меѓународен аеродром Кансаи (КИКС) прославува 30 години работа без да изгуби ниту еден багаж, соопштија од аеродромот.
Седмиот најпрометен јапонски аеродром соопшти дека не изгубил ниту еден патнички багаж од отворањето во септември 1994 година, објави Си-Ен-Ен.
На тој аеродром годишно во просек минуваат од 20 до 30 милиони патници.
Свет
Маж со нож нападнал луѓе во центарот на Осло, полицијата веднаш го уапсила
Норвешката полиција соопшти дека уапсила маж кој избодел едно лице со два ножа и нападнал неколку лица во центарот на Осло.
Инцидентот се случил пред местото на метрото кога расправија излегла од контрола и неименуван маж на возраст од триесет години избодел еден маж во раката и нападнал уште неколку луѓе во близина.
Полицаецот потоа го извадил пиштолот и му наредил на напаѓачот да ги спушти ножевите, пренесува Ројтерс.
Полицијата смета дека нападот не бил мотивиран од тероризам.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.