Македонија
„Ленка“ со претставки до Уставниот суд ќе бара права за невработените
Пет ургентни претставки до Уставниот суд денеска поднесе Движењето за социјална правда „Ленка“ по повод измените на Законот за здравствено осигурување и на Законот за придонеси од задолжително социјално
Пет ургентни претставки до Уставниот суд денеска поднесе Движењето за социјална правда „Ленка“ по повод измените на Законот за здравствено осигурување и на Законот за придонеси од задолжително социјално осигурување бидејќи според нив, со измените ќе бидат оштетени невработените и најсиромашните.
Како што кажа Димитар Апасиев од „Ленка“, првиот основ за претставка е тоа што сумата од 132.000 денари за примања на годишно ниво за цело семејство, која е услов за невработените да добиваат сини картони од септември, е пониска и од просечната месечна плата ако се подели на 12 месеци.
“Вториот основ е затоа ова што не се однесува на индивидуално примање туку на колективно семејно примање. 11.000 поделено на четири или пет члена, излегува дека секој имал приходи од две до 2,500 денари, а следната година тој ќе треба сам да си плаќа здравствено осигурување“, рече Апасиев.
Од „Ленка“ како што кажа тој, сметаат дека со овие закони се врши „примитивно класирање на населението на пет ниски класи во зависност од нивото на семејните приходи, затоа што речиси да нема реченица во нив што не е противуставна“.
Апасиев рече и дека со овие закони за првпат во историјата невработените се бришат од законите и згора на се им се воведува нова давачка исклучиво за сиромашните слоеви од населението кои ќе треба самите да си го плаќаат придонесот за задолжително здравствено осигурување.
Според него овие измени во Законите се донесени за Фондот за здравство да си ја пополни дупката од два милиони евра која е направена поради намалувањето на придонесите од девет на шест отсто кои ги уплаќаат работодавачите за вработените.
Од „Ленка“ ќе почекаат судиите да се вратат од одмор во септември за да добијат одговор на поднесените претставки. /крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.