Свет
Медведев и Обама на самитот G20 ќе дада изјави за стратешкото оружје
Рускиот претседател Медведев и неговиот американски колега Обама ќе дадат заедничка изјава на самитот G20, ќе дадат изјава која ќе претставува отворање пат за смалување на стратешкото вооружување, информираат од Кремљ
Следната седмица во Лондон, на самитот на G20, претседателите на двете нуклеарно најмоќни држави, Русија и САД, ќе разговараат и ќе го означат почнувањето на преговорите за постигнување нов договор со кој ќе се постигне заедничко намалување на стратешкото нуклеарно вооружување на суперсилите.Дмитриј Медведев и Барак Обама својата прва официјална средба и разговори треба да ги имаат уште првиот ден од самитот во Лондон, на 2-ри април, јавуваат руските медиуми повикувајќи се на официјалните извори од Кремљ.„Ќе има две претседателски изјави, едната ќе биде општа во врска со руско-американските односи а другата во врска со стратешкото вооружување.“, изјавил Сергеј Приходко, советник за надворешна политика на рускито претседател Медведев.Приходко изразил и надеж дека рускиот и американскиот претседател ќе посигнат заеднички договор за обновување на Договорот за намалување на стратешкото вооружување (START-1). Овој договор инаку е склучен во времето на Студената војна, а неговата важност истекува на крајот од декември годинава. Исто така, советникот на Медведев додал и дека во Лондон Медведев и Обама може да ја објават датата на нивната наредна средба.„Текстовите би требало да бидат излезна точка за осмислување на задачата која треба да се исполни. САД и Русија сакат да ги постигнат првите конкретни договори за да може договорот да биде завршен до крајот на годината“, додал Приходко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп објави повеќе номинации за челните позиции во неговата идна администрација
Новоизбраниот претседател на Соединетите Американски Држави, Доналд Трамп, најави нова серија назначувања во неговата претстојна администрација.
Поранешниот финансиски менаџер на тајкунот Џорџ Сорос, Скот Бесант ќе биде министер за финансии. Бесант води хеџ фонд и се спротивставува на буџетските дефицити. Пред неколку месеци тој за медиумите изјави дека одлучил да се приклучи на кампањата на Трамп делумно за да се бори против растечкиот национален долг на САД. Неговите ставови вклучуваат намалување на владините програми и други јавни трошоци.
Лори Чавез-Де Ремер е номинирана од Трамп за министерка за труд. Таа го загуби своето поранешно место во Орегон Хаус претходно овој месец, но ужива силна поддршка од синдикатот во нејзиниот округ. Се верува дека за време на новиот мандат на Доналд Трамп, министерството ќе биде повеќе бизнис-ориентирано, со оглед на плановите што ги најави идниот претседател за намалување на бирократијата.
Поранешниот играч на Националната фудбалска лига и помошник во Белата куќа Скот Тарнер ќе биде секретар за урбанистичко планирање.
Алекс Вонг се очекува да стане заменик советник за национална безбедност. Тој е поранешен функционер на Стејт департментот и поранешен специјален пратеник за Северна Кореја за време на првата администрација на новоизбраниот претседател. Себастијан Горка, друг член на тимот во тоа време, ќе биде директор за контратероризам во Белата куќа. Горка одреден период беше заменик помошник на претседателот.
Поранешниот конгресмен Дејв Велдон е номиниран да служи како директор на Центрите за контрола на болести, кој презеде водечка улога за време на пандемијата. Тој е лекар и ветеран на армијата, а на функцијата ќе има буџет од повеќе од 17 милијарди долари наменети за превенција од разни заразни болести. Центрите даваат и препораки за употреба на различни видови вакцини.
Трамп направи уште една номинација во областа на здравствената заштита. Лекарот за семејна медицина и соработник на Фокс њуз, Џенет Нешејват, беше избрана за главен лекар, повторно покажувајќи ја предноста на телевизиската личност како лице на новата администрација.
„Д-р Нешејват е жесток застапник и силен комуникатор за превентивната медицина и јавното здравје. Таа е посветена да обезбеди Американците да имаат пристап до прифатлива, квалитетна здравствена заштита и верува во зајакнувањето на поединците да преземат одговорност за сопственото здравје за да живеат подолг и поздрав живот. “, рече Трамп.
Свет
САД очекуваат илјадници севернокорејски војници да се приклучат во борбите во Украина
Соединетите Американски Држави очекуваат илјадници севернокорејски војници наскоро да се приклучат на борбите во Украина. Ова го изјави американскиот министер за одбрана Лојд Остин кој е во посета на Фиџи.
Според него, околу 10.000 Севернокорејци се во руската област Курск, каде што се интегрирани во руските борбени формации, пренесе АФП.
Остин рече дека засега нема посебни докази дека тие се активно вклучени во борбите. Според јужнокорејските власти, Русија му обезбедила на Пјонгјанг нафта, проектили и економска помош во замена за воено распоредување на комунистичката држава.
Во исто време, украинската армија ги негираше информациите за присуство на севернокорејски војници во регионот на Харков.
Оттаму изјавија дека лицето што ја проширило информацијата не е овластен портпарол на војската во областа и ги повикаа медиумите и луѓето да бараат информации од официјални извори.
Регион
Голем протест на пензионерите во Атина
Во Атина се одржаа големи протестни демонстрации на пензионерите. Сакаат добро здравство и повисоки пензии.
„Сакаме достоинствени пензии“, скандираа пред парламентот стотици грчки пензионери кои на протестот пристигнаа од целата земја. На дел од плакатите беа испишани нивните барања – пристојни пензии, бесплатни лекови и ниски цени, барем за основните потреби.
Демонстрантите за медиумите изјавија дека сакаат и да се отстранат голем дел од пензиските одбитоци и да се плати голем попуст за струја, како и во другите европски земји.
Големиот проблем со кој се соочуваат пензионерите се недостатоците во здравствениот систем – немање доволно специјалисти во државните болници и скапите лекови. И грчките пензионери побараа бесплатни празнични ваучери за сите пензионери.
Пензионерите на протестите скандираа „Стоп за војната во Украина и Газа, не убивајте млади луѓе“.
Голем број млади се приклучија во поддршка на протестот на пензионерите.